ousanousava – loder mon pei lyrics
si ton lèv’ in zistoir, na ryin k’ la pli pou rakonté
de lo dann ton zié noir, lé komm de sik’ dann t-sse café
si ton po frisson, sou mon doi le soir nani en dan la pou kozé
ton sevé ek brouyar komm lodèr rose sou la rosé
zistoir missié le foi la manz’ son foi ek in grin d’sel
si ou la fin manz’ in doi, met’ de sel sou la ké tourtrel
dann tan té falé croir lété komm zistoir pèr noël
a soir sé mon zistoir mi vé mélanz’ ek in mamzel
nou té fé batay’,coq’ ent’ lavoir la boutik sinoi
dann tan gramoun edgar défin clément larzan cfa
zordi ou lé en sommey sat’ ou la di ma rakonté
ou sen lodèr la tèr kan la pli i komens tombé
la di kréol lé noir, lé vilin i giny mêm pa koz fransé
en plis li boir lalkol, li fim’ zamal, li sen mové
sakinn’ na son défo mèt pa kréol pli ba k’la tèr
lé méyèr k’p-sse in kêt’ dann lentermen kan demoun i plèr
gramoun si ou lété là, ou noré rakonté
lontan in moun lété pov’, mé li té fé pa pitié
la di a nou sa komm margoz, li va ni dou apré
la dose en overdose, le bonn’ margoze la po gâté
oukilé mon case en tôle, mon bann kamarad kréol
sat’ kan la pli si la tôle, té di na poin lékol li té lèv’ midi
na in pé la tomb dan lalkol, pli fité la suiv’ gran lékol
a mwin èk mon lombraze, s’ra komm soley dann nid fourmi
ou té zoué sanm la mok en tôle, larzan zordi la rouv’ out zépol’
oubli pa ton z-ssiet’ manzé, oubli pa ton savate doi d’pié
pa pars’ké zordi ou lé missié ou wa pi out lident-té
ou la zoué sanm’ mwin dan la poussière, out sévé conyé ou t’sorte la guèr
ton po, koulèr rose blé bord d’ mer
son moman mèt pi kaplinn, son papa i sen la kuisine
ti frèr débout’ dann charèt, la pou argard lékol rentré
sou son bra talère son goni, pou son sommey laprès midi
s’ra komm lombraze mon pié gouyav, i efface kan soley i sa dormi
oukilé mon kafrine la tèr, son ti kèr péi son kor la rivière
kafrine ar vyin dig’dig’ mon pié, armèt ton min dan mon sévé
mwin la envi ou défend a mwin croir, la fin dé tan pa loin arivé
komm caress soley dann karess la pli, nallé viv’ mafate ou byin salazie
e na lèss’ in trace pou lodèr nout péi
kan la pli i tomb for, nou di bon dié la pou pléré
na de lo si ton kor, sat lé myinn i dor dan mon zié
mon rêv komm in tablo, lo bonn koulèr la débordé
in tablo, in bato, ou in larch’ komm sat’ noé
bayoun kosa mi fé là, kosa nora apré
poukoué nou ri nou plèr, mé a koz nou yèm’ nou tié
wa di sa guêpe livèr, fourmi létèr sa lo sikré
ma tyin bo séré dann kèr, la klé sentier somin grand tremblé
aster mi sar pi lékol, mon kèr komm in mok en tôle
endan na rhum sarèt, po son plin pou pa li sonn kré
mi espère la nouvel lin’, pou k’la pli i tomb en farine
mon kafrine sou son kaplin, son kèr komm ravine va dégrinn’ koté
mon méyèr kamarade lékol, la di pou larzan fo pa koz kréol
i fo ton tête lé byin pénié, i fo ti giny byin koz fransé
pou giny dézà mars’ dann soulier, ou may’ pa dann la di la fé
fo dan ton zié na poin malol’, fo dan ton kèr na poin lalkol
en plis falé ou té i appren lékol
Random Lyrics
- venerable – “murder musick’s so you think you can rap” contest entry lyrics
- ryan henson – lifestyle lyrics
- glee cast – no time at all (feat. shirley maclaine) lyrics
- omen – a chicago child lyrics
- slaine – destroy everything lyrics
- lord narf – shooters lyrics
- crystal gayle – make a dream come true lyrics
- miklo (marvin) – déçu lyrics
- dylan joel – ain’t you lyrics
- american awesome alliance – jack off lyrics