فريد الاطرش – الربيع lyrics
ادى الربيع عاد من تانى والبدر هلت انواره
وفين حبيبى اللى رمانى من جنه الحب لناره
ايام رضاه يازمانى يا زمانى
هاتها وخد عمرى
اللى رعيته رمانى رمانى
فاتنى وشغل فكرى
كان النسيم غنوه
النيل يغنيها
وميته الحلوه
تفضل تعيد فيها
وموجه الهادى كان عوده
ونور البدر اوتاره
يلاغى الورد وخدوده
يناجى الليل واسراره
وانغامه بتسحرنا
انا وهو مفيش غيرنا
لمين بتضحك ياصيف
لياليك وايامك
كان لى فى عهدك اليف
عاهدنى قدامك
كان لى فى قلبك طيف
يخطر فى احلامك
من يوم ما فاتتنى وراح
شدو البلابل نواح
والورد لون الجراح
مر الخريف بعده
دبل زهور الغرام
والدنيا من بعده
هوان ويأس والام
لاالقلب ينسى هواه
ولاحبيبى بيرحمنى
وكل ما اقول اه
يزيد فى ظلمه ويهنى
وادى الشتا ياطول لياليه
ع الى فاته حبيبه
ياليل يابدر نسمه ياطير يازهر يااغصان
هاتوا م الحبيب كلمه تواسى العاشق الحيران
اخذ ورد الهوى منى وفات لى شوكه يألمنى
ما اعرفش ايه ذنبى غير انى فى حبى اخلصت من قلبى
وغاب عنى لاكلمنى ولا قال امتى راح اشوفه
واقول يمكن يرحمنى ويبعت فى الربيع طيفه
وادى الربيع عاد من تانى
Random Lyrics
- alexandre poulin – couleurs primaires lyrics
- mokoma – acoustic lyrics
- saux – save the world lyrics
- years end – silver lining lyrics
- lil durk – back to back lyrics
- rbx – brother minister a. samad muhammad lyrics
- annes – sentimente complicate lyrics
- doda – całkiem inna lyrics
- tomemitsu – art / work lyrics
- percival schuttenbach – sokol mi leta visoko lyrics