農夫 – 風生水起 (feat. 麥玲玲) lyrics
玲玲出嚟又睇掌喇 農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請
一命二運三風水 人有三衰六旺 我仲要衰到幾歲
究竟點解 佢出世嗰時含住條金鎖匙
又點解 我成間屋仲細過佢個坐厠
又點解 我次次買六合彩時中得一個字
係咪我出事 出世喺亥時
點解 佢係我波士揸波子
我好多coins佢好多女士
同人唔同命同遮唔同柄
十九八七六五四三二
一命二運三風水 四捨五入犯太歲
六六無窮都仲咁衰 七除八扣又九十歲
十個光頭都唔同命水
人出唱片我出唱片 出到喺頒獎典禮裡面
鏡頭唔影呢面 觀眾睇我唔見
我哋坐喺側田嘅側面側面側面側過側田
點樣先做到歌星 急急如律令 俾啲掌聲有請
玲玲出嚟又睇掌喇 農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請
一命二運三風水 四積陰德五六歲
七八年後我生個女 九十幾歲都仲未去
個個都唔同命水
人踢波時我又踢波
但係點解人哋踢皇馬 我就踢南華
球迷唔多想睇 我又唔多矜貴
場場都以和為貴打和打和和過和仔
點樣先做到球星 急急如律令
俾啲掌聲有請
我話屬豬嘅朋友 屬鼠嘅朋友
屬牛嘅朋友 屬老虎嘅朋友
屬蛇嘅朋友 屬馬嘅朋友
夠唔夠十二生肖呀 (點呀 嘅朋友點呀) 嘅朋友
睇掌睇掌睇相 急急如律令
攞獎攞獎演唱 我哋有請玲玲
我一出世就識睇梅花易數
用咗廿年羅庚東南西北梗係分到
我掌又睇到 相又睇到
要rap都完全冇難度
鼻頭好有肉 內心就冇毒
眼睛水汪汪 桃花運暢旺
眉尾散 儲錢難
上唇厚重情 下唇厚比較重性
玲玲玲玲 我有嘢問
問吓我嘅桃花運
c君好男人 過幾年就結婚
呀玲玲玲玲 我有嘢問
問吓我老婆係乜嘢人
陸永大情人 個老婆好銷魂
呀師父答唔答得到
我第時做乜嘢好
c君文筆好 最啱做寫稿佬
呀師父賞個面
答我做咩至有錢
陸永要表演 最適合做幕前
玲玲玲玲咪走住
農夫有咩要注意呀
c君多主意 陸永要做主持
羅庚最緊要睇得啱
人哋點樣講你都好閒
玲玲出嚟又睇掌喇
農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請
Random Lyrics
- wai la – kha yay lyrics
- moonshine bandits – take this job (feat. david allan coe) lyrics
- heidi bienvenida feat. toro – este cuento lyrics
- sara diamond – unsure lyrics
- banda arizona – remédio lyrics
- guilherme andrade & guilherme iamarino – colossenses 1 lyrics
- berk gürman feat. öykü gürman – nankör kedi lyrics
- teeth – wolf lyrics
- emeli sande – love me more lyrics
- coil – the gimp (sometimes) lyrics