ab 964 - mo3jezat el 3ashra | معجزة العشرة lyrics
هذا انفجار نجمي داخل انتحاري بالروم
ابقى خالد بعد موتي حتى سطري حيحنطوه
راح تكون حلم الجمهور لذلك باجر ينسوك
داخل البوث معجزة العشرة انا اكرامًا لليسوع
عدكم بالسمع أمراض انا جايب بالسطر ترياق
انت دكتور بقتل الابداع لأن قوتك بكشف الاعراض
فنكم بنفس الوجوه صورة مزيفة سناب چات
مختلف وسط الجموع كشعرة بيضة براس شاب
كلمن عايش قرف سين اسأل هومي عساه صابر
حالم بتغيير افضل بيدي عصا ساحر
لأني راكب الامسيز ما اشوف بعيني واحد
فاشل بعد الحمير ابقى مثل جحا حاير
رقم شيل وكب بالماء العقم بيك وبالأفكار
محد يميل وجا بإنصاف بس لأن جديد وداش الراب
بحقق اماني الجيل انا مريض بالإبداع
اطلع مارد واضوي السين لأني جاي بالمصباح
عدكم مرض نفسي عد كم سطر منسي
نصكم رقم ملغي تبقى بلبس رسمي
لأنك بعقل سطحي
فكرة مثل شعري توكع لما اسرحه
حعدل الراب وتكون هاي نهاية القصة
حبقى نجم ظاهر بوقت بزوغ فجري
جمود بدم الضحايا يقاس ببرود دمي
حرفنا الارقام هيج انرفعت الاسماء
بس لأنه العشرة مو عشرة صار الخلل بالنظام
لڤلي عالي تعيشوا فوبيا تغنوا بلون واحد كروسيا
من النوع الما ينكسر لو عالأرض وگع نوك يا
غريب عليكم كأني صدق بفلم هندي
شفت الواقع فتمنيت لو كان عند ادم ضعف جنسي
هذا مشهد من حلقات الي نترقبه بصبر
راح اسكّب عالاعمال كل التنزلوه فلر
نقاش قابل للتمدد حول ابقار زراعية
انا حقيقي ما اتردد انتو اقمار صناعية
رابه سخيف ميم تافه هذا سكيم بيه لاڤا
اناليگ عقيم داخل حارگ “ميت” شيف فاشل
ماكو داعي للتصفيگ بوجه امسيز اثار ما قاصر
لڤل عالي كالدحيح بوكت البيف اجيب مصادر
تف افكار بالبارت هيج حتزيد نار ثمّ نشب كالحريق
حط بهار علبار دام حيصير حاد بعدة حنشگ الطريق
بايمي انيشن هيد اجيبه فنكم نسخ كله بيتا
كأنه انيميشن رابكم چذب وللأطفال سيدة
هذا انفجار نجمي داخل انتحاري بالروم
ابقى خالد بعد موتي حتى سطري حيحنطوه
راح تكون حلم الجمهور لذلك باجر ينسوك
داخل البوث معجزة العشرة انا اكرامًا لليسوع
Random Lyrics
- james pm - fate's prescription lyrics
- 9ice - falling my hand lyrics
- mc hotdog - 早就 (used to) lyrics
- m!lan - stay lyrics
- b.a.johnston - love = nba jam lyrics
- 徐佳瑩 (lala hsu) - 二日醉 (the hangover) lyrics
- audra lynn - without love - what does it profit me? lyrics
- tafari anthony - replay lyrics
- local oddity - the fallen lyrics
- outt - gucci shoes & louie shoes lyrics