abyusif أبيوسف – total / توتال lyrics
[المقطع الاول]
غليت الميا تحت الرمل مفيش وبوور منيش صبور
لابس ريش طاووس إصطادت عملته شيش طاووك
طموحاتي الفيرس يخض إنت طموحاتك زيطة هايلة
إسند ع الجامعة أحسنلك.. موهبتك حيطة مايلة
عمارة بتقع مالعاشر نطت من فوق و عاشت
السواد إللي في قلبي مش مدي مساحة لدور العاشق
ع الكره بتغذي… و بحلي غيرتك و غيظك
مش هتشوفو فيا يوم حتي لو عملتو الليزك
من أصفر لأخضر أنا بفوت أصلا بالبصمة
و لو مافوتش المصفة تتكسر ياسطا
إخترعت الريست لعبت أول ماتش كسبت
برقص تويست مع بط و وز.. قطم وسط
ده مش صوت شخص سوي و مرتاح البال
مش فاكر قبل أخش كسرت كام مفتاح في الباب
القلق مش بيخليه يتعبني بدفيه في عبي
أتف عليك أحرقك بدون أي تفسير علمي
[المقطع الثاني]
ضربة مبرحة واقفة في زورك مش بالعها
أنا أحب هذه الموسيقي و أجيد توزيعها لايص في هجايص
مش طايق أشوف السحن فا بزيحه
مالطريق عشان أطير من فوق المحن بالأجنحة
قلبي كبير… مخي مش بيخلي إيدي تسامح
برضي بالنهاردة و عمر بكرة ما يناسيني إمبارح
الفلوس إعصار و الصحاب أغصان شجر
ده الواحد فعلا طلع بهيم لإنه صان بقر
شوفت غباء بالفطرة و المزيد من العته
حاطيت دماغهم تحت باطي زي مزيل العرق
قوللي صحيح؟ خدت لبان ولا الباقي؟
مين يستاهل جرامي؟ زاب ولا تاكي؟
بفتح الظرف عشان أعرف الإجابة
مكتوب لو مستني كتابة إيه إللي جابك؟
بدون مقدمات بدوق مقبلات و أقوم الأتكل
ناسي نفسي… ملوش لزوم أفتكر
[المقطع الثالث]
ماتقولش النكتة تاني خلاص مش لازم أضحك
يوسف ألطاي في الموبايل زي التمثال في المتحف
بسجل في الدولاب لحد ما الخشب إتكسر
و النجاح خوف مالفشل مش أكتر
جملي طويلة فا ميرسي إنك بتلخصهالي
مفيش حباية هتنسيك إنك مشخصاتي
ع الحيط خطوة و ع السقف خطوتين
تايه في الفضاء مكسوف أسئل كوكب الأرض منين
مابقولش كلام تنساه أنا مش تمثال علي وضعي ثابت
كتبت الفيرس تحت الميا فا صوابعي دابت
مش هحتاج طبق غويط… ولا معلقة شاي
عشان أقلب و أعرف الحويط متشعلق إزاي
معملتش زيه كنت لسة جديد و محتاس
ماسمعتش منكو غير ضحك فا بقيت عديم الإحساس
بخش القوضة فا إحتراما منكو قلوبكو بتقف
من كتر منا سابقكو ببص ورايا بشوفكو نقط
أجيبلك السكر أزرع في أرضك قصب
هتموت و تعيط بتقرقض بصل
يا لابتوب من غير شاحن كان فاضله شرطة و فصل
الفرق واضح علي مرمي البصر.. بصمة و أثر بتبرمج… وصل؟
بالسلامة كنت لسة ها بس شطبنا
نبضك يتلخبط .. تتأثر الخضة
مش حلوة زي القبض أبدر وحشة زي القبر قرب
سهرة و ١٠٠ سطر أقراه صقر مش بترقص
حاسب
خد البون
أنا التوتال
النوتة بتلفها
مش فارقة كام بولة كباية بسكوتة هغرفلك
أيامكو معايا سودة و بتبهت رابرز بالفلو بكتفها
ده سهل زي بلع منجاية أو خوخة بالبذرة
Random Lyrics
- awaken i am – kin lyrics
- salinger – burly cat’s inn lyrics
- bob dylan & the band – stage fright [before the flood] lyrics
- awon & dephlow – street jazz lyrics
- zapdexio – twisted mind [toxicity] lyrics
- tone et & tmc – no love leftover (ft. tone et) lyrics
- 12am – wasted lyrics
- seba wonder – quédate a mi lado lyrics
- spy vs spy – take me away lyrics
- k. kilo – vibes lyrics