adamy - deep journey into the darkness/رحلة في عمق الظلام lyrics
[المقدمة]
from the dark side
yeah
yo
[المقطع الأوّل]
شن اللي جابني في مكان زي هذا، امعش عرفت حرت
بعيد من حوشي بأميال، شن اللي خلاني سافرت
بين جتت في وسط حرب، دماغي وقف تهسترت
القيت في يدي سلاح و فوق ظهري قواذف قمت
هذا و ين فقت اعرفت، بداية القصة اتذكّرت
كيف كنت في عالم و كيف المكان هذا وصلت
و النت، بالمغناطيس تنوّمت tvبالـ
عبولي فتنة في حوشي و قدام الشاشة استسلمت
طلعت الشارع معمي، نحس بشوارعنا ضايقين
دماغي مغسول بالفتنة صدّقت الدجالين
القيت هلبا زيّ شباب حتى هما متنومين
حركونا بخيوط و زادوا عطونا فتوة في الدين
القيت روحي كل مرة مع واحد تقابلت
من واحد لواحد، تحط في روس كبار وصلت
جابوني ادربت، علموني كيف نرمي بالسلاح
طمعوني بفلوس، قالولي لينا تعود الأرباح
يبوني سفّاح، رسمولي طريق في دماغي برسمة
كانت البلاد مهتوكة و الناس كانت متقّسمة
ماعرفتش حجم الأزمة، كلام الحق كاره نسمع
دسولي السم في عسل و الوجبة كانت دسمة
ضحوا بينا احني شباب، و يشوفوا فينا احني الحل
دخلونا حرب ماعندناش فيها ناقة و لا جمل
ماكنتش نعرف شن في، و سبب الحرب شكون
ما عرفتش ان التخطيط ، مخدوم من الماسون
نحس في روحي ملعون، في طريقي مشيت كملت
أوّل رحلة مع الجنود، تقول كابوس حلمت
في الطريق قالولي تذكر راهو انت قدامنا حلفت
و في نص طريقنا وقفوا، و حتى اني معاهم وقفت
قالولي الشارع اللي قدامك غادي يكونوا العديان
قلتلهم في صغار و نساء، قالولي مافي شيء بان
قلتلهم كان بنفكر نرجع، قالوا الطريق مصكر
قلتلهم تي مسلمين، قالولي عادي كفّر
فبدوا يقولولي في كلام مرة تانية تنوّمت
معلمينهم كيف ياخدوا عقولنا، نسيت كل شيء و قدمت
سمعت رصاص يحف وذاني، قمت سلاحي و صوّبت
نحس بالموت قريبة مني، مش عارف كيف طريقها هوّبت
فبديت نجري ندور في مكان مصكّر
نهرب فيه من الرصاص و نحصل وقت نفكّر
مافهمتش لما شُفت المضروب يشهد و اللي يرمي يكبّر
الجو تغبّر، شن فيه، [؟] تفجّر
[المقطع الثّاني]
في الطريق بروحي مروّح بالقيلات و قلبي مقهور
كرت محروق، مُستخدم جاي من الحرب مبتور
كل الوعود اللي وعدوني كانت هباء منثور
في قيمة حبة شرشور، لاقيت حذفني العصفور
خسرت عائلتي و حياتي، خسرت و الأرض و النور
راجع و قلبي مكسور و انحس بروحي محقور
شن اللي جابني لمكان زي هذا، قدّامكم اتذكّرت
هذي قصة فيه عبرة ان شاء الله تكون تعلّمت
my n-gg-
[الخاتمة]
Random Lyrics
- night traveler - springsteen lyrics
- i set my friends on fire - my uzi holds a hundred round conscience lyrics
- diapsiquir - dangereuse onction lyrics
- velcra - i can't tell the sun from the moon lyrics
- барто (barto) - mi ricercherai lyrics
- sha stimuli - new jordans/a poem for mike lyrics
- chief keef - something i gotta know lyrics
- crs tha don - im suicidal lyrics
- lartiste - bye bye baby lyrics
- sicko mobb - kool aid baby lyrics