a b c d e f g h i j k l m n o p q r s t u v w x y z 0 1 2 3 4 5 6 7 8 9 #

aeke - gin lyrics

[aeke]
verse~1
paida hua,acha hua
yahan se leke ant tak, ginti yeh gin
janam pe swagat duniya mein gin
naamkaran, jashan mundan ka gin
ghar mein havan, badhaai ke bhandaar
pehla paalna,sapno ka pehla saamna
taufo aur khilone,kuch toote kuch khoye
naye khilone ki zid mein aansoo yeh gin

jhooto mein latke khule feete
udhdi kameez mein taako ko gin
kitaabo se baste bhari
kandho pe siksha ki fees ka vajan yeh gin
pariksha mein pareshan har pal ko gin
pankh mein lage har ank ko gin
kaksha mein pehle dusre teesre
bacho ke beech, fizool ki tulna ko gin

ab khatam,nikala padaai ne dum
pehli naukri matlab poora samarpan
gin charo taraf agyakari karamchari
gin roz salaam ke bauchaar ko gin
yeh aayi tees tees tees ,pehli kamaai
umeed badaai,somvaar, fir wahi ladaai
katti aamdani, tax sarkari
ek ek rupiya ,tankhwa jama kar saari
note bandhi mein jaise g+yab gandhi
roti kapda makaan,mehang+yi ki aandhi
gaadi ki kisht jakde jaise dhua
har mod pe kanoon, rishwat ko gin
dulhe ki tankhwa, dahej ka dhandha
shaadi+e+sauda, dikhawa dhan ka
hanikarak vyanjan,mansik manoranjan
ab aane waale an ban ke toofan ko gin

chorus

gin gin gin gin gin
gin gin gin gin gin
gin gin gin gin gin
gin gin gin gin gin

verse~2

subah ki pukaar, ghadi mein waqt gin
daftar roz paanch minute late
aadhe din ki pagaar
yeh adhaar, upar se padti daant
bhadaas mein gaalio ki bauchaar
munaafe mein khudka gin nuksaan
udhaar ka kamaal ka yeh mayajaal
baar baar baar baar baar
bas ek baar ,nivesh kar bas ek baar
sapno ka ghar,fassa bees saal
karza aaya leke safed baal
sir pe boj , dikhawe ka taj
sab saaf hua ,chat g+ya dhua
jaise khodha pahad, nikla chua
keemat giri,aankhein khuli
moh maaya ke paar, hai duniya badi

prabhav se bad raha dabav
mastiksh mein horaha chunaav
na dost,na log, na lob, na aas
shaant samundar, akeli yeh naav
akelapan lage sabko sahi
sharab majboori,mehengi zaroori
apne asli logo ko gin
doori, sachaai se doori ko gin

umar ka badta boj,kamzor sharir
dard mein cheekh har raat ko gin
mehengi davaai,sasti bimari
hasptal jaise mandi ho shahi
jaan ki mandi,jeewan ke daam ko gin
rishtedaar aayenge hazaar
karenge char baatein bekaar
dard mein kitne saath,shuniye tu gin
bhudaape mein pension
na aanke ki tension
ab ek kinaara,bache sahara
bache vyasth kab hoga batwaara
hai pratha, bhai bhai ka dushman bna
kaun kiska saga,gin jo parivaar batta
kaun ginega ginti yeh aage
badane waale hakdaar ko gin

- aeke lyrics

Random Lyrics

HOT LYRICS