a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ahlam - أحلام - al lail sada - الليل سادة lyrics

Loading...

[المقطع الأول]
الليل سادة والطواريق مُرّة
والحلم حالي بس ما له مواري
إحساسي اللي لو بقى منه ذرَة
والله ما تذري عليها الذواري
والجرح أبرا منه وأحيان أبرّه
وإن ما برى أو ما براني مباري
إن ما سمعت لناي الأوجاع جَرّه
في داخله تجري عليه الجواري

[اللازمة]
الليل سادة والطواريق مُرّة
والحلم حالي بس ما له مواري

[المقطع الثاني]
واللي نشد عن وجد قلبي وسرّه
خذوه معهم يمّ هاك المحاري
البعد هذا يكفي الله شرّه
غريب وعيون المقفّي دياري
لا جيت أعاتب بالهوى وأتشرّه
ولا رحت أباخذ بالغيابات ثاري
لله درّ الصمت لله درّه
ما به حسايف لو جروحه ضواري

[اللازمة]
الليل سادة والطواريق مُرّة
والحلم حالي بس ما له مواري
[المقطع الثالث]
لا ضيقةٍ تكسف عيون المسرّة
ولا عتيمٍ تقتفيه المساري
قلبي لا هو بارد ولا فيه حرّة
وبالي خليّ من العَسس والطواري
هذه سواحل راكد الدمع مُرّة
يوم أجحفت في حقَ أهلها العباري
تسري رجاوينا على حين غرّة
والحرّ ما يبلش بصيد الحباري

[اللازمة]
الليل سادة والطواريق مُرّة
والحلم حالي بس ما له مواري
الليل سادة

- ahlam أحلام lyrics

Random Lyrics

HOT LYRICS

Loading...