ahlam - habibi ma lyrics
” حبيبي ما ”
حبيبي ما بُقى عندي صَبر يتْحَمّل التأخير ..
رَحَلت وعِقبكْ الدنيا ، غلاها طاح من عيني
تِصَدّق وإلا ما تِصَدّق .. أنا عَاجِز عَن التفكير ..
تعَال وشُوف في عينك غيابك وش عَمَل فيني
أجَاوب إللّي يسألني عَن أخباري وأقول بخير..
وأنا ؟ لا خير بغيابك . . ولا حاجه تهنّيني
على طاريك كل لحظه .. ولا أحتاج للتذكير..
حَريص القلب ما ينسى عيونك لا توصّيني
محد يقدر يعَوِّضْنِي لأنِّك .. في عيوني غير
ومَهْمَا شِفت أنا الفرحَه .. بدونك ما تسلّيني
مِثل شَاعِرْ عِجَز يوصف شعور وخانه التعبير …
أنا ضايع ! ولا أدري .. مِنْ فْراقِك : أنا ويني !
مِثل طيرٍ كِسَر بُعْدِك جَناحَه وما قِدَرت آطير ..
أحَاول أبتِسِم وأنسَى ولكن وش ينسّيني..؟!
أشُوفِكْ في صباحي إنتْ مَعْنَى يا صباح الخير…
وأشُوفِكْ في مَسَائي حِلْم وَرْدي ، لا تصحّيني
تِصَدِّق .. السَهَر يَرْسِم عيُوني ويتْقِنْ التصوير ..
ويشِقْ النُور في صفحة حياتي .. وما ألاقيني
أنام شلون ؟ ومشكلتي عِجَزت ألقى لَهَا تدبير ..
طَلَبت النُوم لحظاته ، و عيَّى النُوم , يعطيني!
تغيَّر وجهي ، من أوَّل غيابك وإبْتِدَى التأثير ..
حبيبي مْن التَّعَب كافي خذيت إللّي يكفّيني
أنا ما أقول إللّي صار.. فِيني ..ماهقيته يصير…
لأنّي كنت ((( متأكّد ))) . . بأنّه البُعد ينهيني
[cl1ck here for english translation]
Random Lyrics
- ras mic - can't eat injera lyrics
- diamond eyes - you & me lyrics
- apophis (rap) - seiten gejammer lyrics
- student 1 - mouthy lyrics
- otm (on the move) - tea delle 5 lyrics
- gionnyscandal - gionata lyrics
- taylor john williams - upside lyrics
- marlon williams - i’m lost without you lyrics
- daniel johns - too many lyrics
- car seat headrest - beach weak lyrics