a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ahmed mekky - mante'ty lyrics

[اللازمة : أحمد سعد]
منطقتى, وفيھا اجمل ذكرياتي, دي حياتي
اكبر مدرسة متعلم فيھا، الدنيا وواخد خبراتي
دي اصحابي فيھا، وجيراني فيھا، وحبايبي فيھا
مافي غيرھا جيھا تتحامى فينا، نتحامى فيھا
ما احنا اللى ليھا، منطقتى

[المقطع الأول : أحمد مكّي]
منطقتى ھي الطلبية
اول صحاب وحب وعدية كت فيھا ھي
اكبر غواي حمام شربت منھم اصل الغية
فوق كل سطح فى الطلبية مية فوق طبلية
رويت غزار وبرك وشقلباظ عبس والرية
حمامھا غطى شمس فى السما فى المغربية
احلى عصير قصب يروى عروقك ساعة الظھرية
ما فيه في حلاوة طعمه ولو لفيت الدنيا ديا
قالوا عليھا منطقة عوق وناس مؤذية
اه فيھا ناس ناشفة تاكل زلط وبلطجية
وناس قلوبھا بيضة وطﯿبة ومية مية
كل انواع البشر تلقى منھا جوه الطلبية
سألت نفسي في يوم سؤال
ليه كنا بنتخانق وندافع عنھا ضد الغرب حتى واحنا عيال ؟
من غير تفكير نسخن نغير ننزل نتخانق ما يھمناش لو فيه سلاح او حتى دم سال
بالنسبالي. مش بس منطقة دي مدرسة
اتعلمنا يا ما ندوس فى الدنيا طلعنا ھندسة
حبي ليھا. مالوش سبب حاسسھا حتة مني
لو طلعت من منطقتي. منطقتى مش طالعة مني

[المقطع الثاني : أحمد مكّي]
سر حبي ليھا ارتباطى بالمكان ؟
وﻻ اني عيشت فﯿھا احلى ذكريات زمان
ايام ما كانت الحالة مايلة. واﻻيد مش طايلة
بس الناس كانت لبعض والحب فى قلوبھا شايله
عيشة ابسط م البساطة
فى الحر تستمتع بشغب تمر وفى البرد تاكل بطاطة
لو حد عنده مشكلة تبقى مشكلة الكل
لو حد عنده فرحة تبقى ليلة الحتة فل
عيشنا ياما ايام محدش فينا شايل ھم
مھما كانت مشكلتك كله بيساعدك عشان تتلم
كانت احلى قاعدة ھي. فوق السطح جنب الغية
ريحة الرحان مالية المكان زرعته فى اﻻرضية
اشرب حجر كومباجو قھوة سكريبتو مش مغلية
افكر واسرح والسما فى لحظة غروب سحرية
كل ركن في حتتى له ذكرى ما انسھاش
وعارف كل الناس اطفال شباب او على المعاش
مھما قالوا عنھا او مھما زموا فيھا كتير
ھتفضل حتتى وليھا فى قلبي اكبر تقدير

- ahmed mekky lyrics

Random Lyrics

HOT LYRICS