a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ailu valle - suga suga lyrics

suga suga

1. verse

dápmohat ja hárrit bákŋet
árvalattan ammal fargga fierbmái čákŋet – mun bivddán
čearrehat čaibmet, čođggiid soaját njurggodit
giellavealgu máinnasta nu ahte raddedolggit čurggodit
go mun ledjen uhcci, buot lei nu oahpis
oktageardán ja čielggas, áhčči muinna sáimmaid suhppii
ruoktogáttis vuordimin lei boares soahki
masa čatnat fatnas gitta go gearggaime, de beasai luohti
iluin, iluin, iluin muhto áššit eai leat šat dego ovdal
dál mo nu nu hiluid háluid, buot nu jođánit rievdan
illá bison maŋis, huššii duššan olbmuid illá oahpan dovdat
gáhkkoratge jávkan, ammal dáid lahppon sieluid r-ssamii nu gievdan
ádjagis šaddan dat jogaš, jogažis šaddan dat eatnu
man miel mii leat ribahan meara al issoras leavttuin
dán diehtodulvvis goiku gal čiekŋu ja dasa mii oadjut
ja nu mii dál oktanis juhkat ja suhkat
eatge geargga šat masage vuodjut ja nu mii vuodjut

chorus:

juohkehaš mis suhká seamma báruid al
fárus seamma fatnas siste miht-tmeahttun ábi alde
gátt-t geidosis don
sugat sugat sugat

juohkehaš mis juhká seamma báruid miel
áruid ja garuid dihte
ganjal go golggiida ja átnjal njolggiida don
jugat jugat jugat

2. verse

rohttestan mohtora johtui, guođan din imašt-t rohtui
mus ii leat áigi geahččat eallima gohtui
in váldde dien lohkui, dál lea mus liiba
áiggon oažžut áigái, vuodjut áigáibohtui
mun lean nuorra ja nu máilmmi vitmat
mun guorrasan áigái, čuovun máilmmi ritmma
áiggon šaddat rikkisin, lean viššal ja searas
dakkárin áiggon bissut, buot lea olamuttus mu várás dán dieđu mearas
muhto de suotnjá oaivái fuolla, galggašinbat mun leat gáttis
beaivesuonjar nuollá giellásiid, leatbat diet jurdagat mus beare plásttehat ja ráppit
go galggašin leat doalaheamen dola ráttiin
de leange golaheamen maid gávppit munnje vuvdet máddin, áddejingo
maid mun hálan, deavdde lása, gurre lása, ii leat mu vihki
galggan gal dán sorron fierpmi, gávnnan jierpmi, dagan dan ihttin
gohan juoga jugan, juoga jugan, de loavdu guovdu meara dovdu
seammás go huoban, sugan, huoban, sugan, ovttas earáin oavdu mii nu govdut

chorus

juohkehaš mis suhká seamma báruid al
fárus seamma fatnas siste miht-tmeahttun ábi alde
gátt-t geidosis don
sugat sugat sugat

juohkehaš mis juhká seamma báruid miel
áruid ja garuid dihte
ganjal go golggiida ja átnjal njolggiida don
jugat jugat jugat

3. verse

leatgo mii gahččan muorain vai loktanan mearas
gos mii leat eret ja gosa leat mannamin, boktalan arvvi go jearan
gažaldagat derpet ja derpet, huškot dan soarppi
mii fertet dohkkehit leš dal gii beare de gusto leat fuolkkit
jus eanan lea eanni ja beaivi lea áhčči
de naba dat čáhci?
na mun lean čáhci, don leat čáhci, mii leat buohkat eanaš čáhci
de máhtt-tgo mii eallit eatnan alde, naba máhtt-tgo mii jápmit?
naba máhtt-tgo mii riegádit, go mis botkejuvvo rastá náhpi
jus mii gosa nu áibbašit dat lea maid vuosttasin láhppit
váimmus mii sávvat ahte livččii fas ohki ja váhpi
nagodango máhcahit dan ráhkisvuođa oktavuođa, vai rohtiidango dáhpái
mii sáhttá doalvut nu guhkás ahte áhpi šaddá sáttoáhpin
olmmošhan sáhttá gal jakŋadit goikkuinis olles dán eatnama
dahje leat gáhttemin eallima ráinnasman čalbmin jus šiehtada
ále vajálduhte mii leat sáivojávrrit, eatge sullot sierranasas
miht-tmeahttun viisodat min miela mearaid čiekŋalasas

chorus x2

juohkehaš mis suhká seamma báruid al
fárus seamma fatnas siste miht-tmeahttun ábi alde
gátt-t geidosis don
sugat sugat sugat

juohkehaš mis juhká seamma báruid miel
áruid ja garuid dihte
ganjal go golggiida ja átnjal njolggiida don
jugat jugat jugat

- ailu valle lyrics

Random Lyrics

HOT LYRICS