a b c d e f g h i j k l m n o p q r s t u v w x y z 0 1 2 3 4 5 6 7 8 9 #

al abjadi - a3wam lyrics

كل عام و أنا بخير
او كل عام و انا بغير
حال
٢٣/٧/٩٨
مرقو هيك وانتو مش حاسين
٢٢ مرقو زي شي ٣ سنين
بس من جوا آلاف السنين
بتزكر ايام الطبيعي مأزكرهاش
صفعه ابوي ع خدي بنساهاش
بتزكر اخوي بنقلني املاء عاش عاش
امي بتحكيلي خود كب الزباله
بتزكر كان الكيس اكبر مني يومها
و الحاويه عليها نجمه اسرائيل يومها
و المس حكتلي بكرا عليك سوره الفيل يومها
المقصف كنا عليه فوق بعض مخفناش لا من كورونا ولا غيرها
بس بتذكر الناس هون بعمرها ما كانت حالها ببالها
طعم الزعتر و لبنه امي لسا بتمي
كلمتهالسا براسي الله يوفقك ابني
بتزكر الروضه و كانت اكبر هم
بس هلا الروضه صارت اكبر حلم
كبرنا
صارلنا ناس عند ربها
م عادي مفش حد هون ملوش ناس تحت التراب
كبرنا و مات كتير ناس جوانا ، منهم من تحت هالتراب ، و منهم من لسا فوقه
اه فوقه بس اموات
اجساد عايشه ارواحهم و ضمائرهم رفاة
مرو كتير ناااس
بنعدّوش ولا بنحًصوا ، صحاب من نص عمري بعرفهم ….كنت اعرفهم حتى
اخر لقاء كان سلام بطرف الايد
وجوه مجعلكه الله يرحم بما كنت احس ضهري حديد
لهيك ندباتي كتيره بتنعددش
تجاوزتها منتستش
اكتر من شيب راس الكهل الحكيم الي جواتي
اكتر من ضحكات روح الطفل الي بنيلي و فراتي
مررت ايام ، و اجا مين كان صاحب جد و اجا مين كان شريكك الي بترككاش
تعددت الاسباب بس الي بحبك من قلبه ببعدكاش
و لو صار بعدك بمسك ايدك لو كانت شوك ، بسيبهاش
ببعدك عن شوك الدنيا متصيبهاش
بتذكر اول مره فيها حبيت و اول مره شفت هالشخص
أزال كل الندبات كل ذكريات البؤس
و شتان ما بين السماء و الارض
ملائكه بأجساد بشريه!!
و اموات اساطيرها حيه …
كبرت ي يما و الشيب دخل راسي يما
كبرت ي يما و القلم صار أساسي يما
كبرت ي يما و الالم صار أساسي يما
كبرت ي يما روحي لسا صغيره يما
كبرت ي يما بعمر سنين ع ورق
كبرت ي يما و من جوا اكبر من ما مرق
كبرت ي يما و كبر معي الهامي
كبرت ي يما و في مين هداني و مين الهاني
كبرت ي يما و مين من اهداني غصه
كبرت ي يما و مين من كان فرصه
كبرت ي يما و لساتني صغير
كبرت ي يما كل يوم بكبر اكتر
كبرت ي يما و مهما اكبر بضلني الاصغر
خلص بكفي يما سلامات ي يما

- al abjadi lyrics

Random Lyrics

HOT LYRICS