al darwish - ibn al-kabt | ابن الكبت lyrics
[“كلمات الدرويش “ابن الكبت]
براسي ألف مطلع
وولا قصيدة
براسي جرّة غاز جديدة
فيروز عم تحكي عن ليل وأوضة منسية وأنا عم جيب الأجرة بحسّ الغنيّة بليدة
التكرار عم يقلّي صار فيني أعمل عن حالي نسخة
وأنا عم قله أنه المطر حلو بس المي وسخة
قال حاج تستعير احكي دغري!
فــرحت على علاقة الحشيش بالحارات المخنوقة ومحروس الشغري
الكسل مغري
فسألني: عم تعترف؟ قلتله نعم!
أنا اللي قتل الراعي واللي سبى الغنم قصر حكمه الخدم
ذرّة شكّ بالوجود خلق يقين من العدم
أنا اللي راح بقارب موت أنا اللي بقي وانعدم
لو فيني خبي كل احبابي ببقجة مالها علم
قلي التكرار: بس. براسك في ثلاث بقرات وذاكرتك من خس
أنت طفل نام علقوا حرب تحت شبّاكه وما حسّ
حالم فالواقع بأحلامه اندسّ
والعث عم ياكلك، أيّامك قماش. تمّك بيصرّخ ساقط وأفعال بتقول عاش!
عراسك خيمة نازح. إذا ما رح تنسى رح بتسامح؟
طب جرّبنا نحتكم لك لما حجرك طاش
عراسك التناقض تاج
متل سفّاح مشّى عاللي راح صدقة
متل أهلي بيعرفوا الكذاب وبعد كل خطاب بيقولوا صدق
قلتله أنا ابن مدينة طلع مزار عشبقها ورفضت تصليلي
أنا ابن النار اللي بطلت تصليلي
ابن أكثر من ريحة بس نفس التتبيلة
أنا ابن الكبت
فبحاكيها وبتوميلي
ابن مآذن نايمة عثار قديم وفايقة عثوره ما بتعنيها
ابن شوارع ربي عطشنا فيها ومي الأرض ما بتسقيها
ابن شجرة عيلة فانشقيت عن فيّها
ابن حكايتي اللي بتخاف تعيد حالها وبدها تخلق سرد جديد
سمّيني مهووس بالخلق، عن التسمية بفيض
خلّصت كتابة المقطع…..
قلّي التكرار عيد!
اعطيت حنيني للموت والموت اعطاني ذاكرة
اعطيت بردي لإبتسامة فاترة
اعطيت المدينة حاضرها
كانت محتلّة وحررها، صارت محتلّة وحررها
اكيد سمعانها قبل….. هالغنية مكررة
Random Lyrics
- soulja boy tell 'em - hit them folks lyrics
- mc wave - reality check (intro) lyrics
- minami kuribayashi - straight jet lyrics
- #eldojo - loa lyrics
- karma sudaca - señales de vida lyrics
- cris cab - turn out the light lyrics
- for the win - all or nothing lyrics
- soulja boy tell 'em - murder lyrics
- el rass - tma yaqulu 3anna | تما يقولوا عنّا lyrics
- nicole - trapped in time lyrics