a b c d e f g h i j k l m n o p q r s t u v w x y z 0 1 2 3 4 5 6 7 8 9 #

alf poier - ohne titel lyrics

hallo do is da alf poier, jez muas i schnö a gschicht erzöhn, weil i bin nämlich total christlich erzogen wordn und daun hob i ma imma gedocht, verführe mich nicht in versuchung, sondern erlöse mich von den mösen. und daun hobn olle aundan a freindin ghobt und i a foahradl. und des woa oba für mi oba scho überhaupt net leicht nämlich

daun hob i ma oba gedocht, vü schwieriga a frau zu findn wie in österreich is in australien, weil do sitzt in gaunzn tog kniatiaf untan eukalyptusbam, k+mt do a koalabär daher, beißt da in oasch eini und daun soist du zur nächstn frau higeh und sogn “schatzi ich liebe dich”. mit de schmerzn? des schau i ma au, weil do kaunst nämli, do kaunst eh scho überhaupt net sunst irgndwos
jo daun denk i ma wieda, für wos brauchst in australien a frau? jo, bei uns brauchst a frau am wochenend zum tennisspün, do brauchst jo wen zweitn. in australien host eh in boomerang, der k+mt der k+mt eh vo söba. oba australien is total a schwierigs laund, do muas ma nämlich wenn ma so a junger bua is, woswasi 29/30 joa muas ma bei den inezitionsriten oiso bei de initionsritn, wasned ob ihr wissts wos des is, des is so so wiesoiisogn so erstkomunion für aborigines oda sowos, muas ma bei diesen riten beweisen dass ma a mann is. und des geht so: do muas ma 2 wochn laung auf an ameisnhaufn aufisitzn und derf si net rian. nur damit ma beweist dass ma a mann is. do bleib i liaba glei a frau. oda a freind von mir, der woa musikjournalist in australien, der hots schwer ghobt, weil der hätt a interview mochn soin mit die rolling stones in melbourne und do hobns erm stott ana backstage koatn a outback koatn gebn. d der is gstorbn. und do hob i daun a erbrechtsgedicht gmocht für ihn. des geht so:

wenn i amoi stirb
wünsch i ma a grob
mit am fischteich drauf
damit wenn i nur scheintot bin
wenigstns dasauf
des is supa wordn. jo daun hob i nochha a aundas gedicht gmocht, des is a elefanten+gedicht. des geht so:

tintn tuntn tantn
elefintn funtn fantn
hobn vin van vorn 2 ohrn

oda do hob i a aunders gedicht, a pünktlichkeits+gedicht:

die uhr is immer pünktlich
nur i k+m maunchmoi zspot
weil die stroßn mocht a kurvn
und i foa trotzdem grod

oda do hob i a so a heimreise+gedicht:

zersta geh i furt
und späta will i zruck
damit i net laung geh muas
foa i mitm buck + bus hätt si net gereimt

do hob i zum beispü nu a gedicht, des is literatur, weil do gehts um sein und so:

aufm tisch wo i sitz liegt a papier
daun ruaft a freind au
und die fensta san zua
jo des des des woa jetzt des…so jez muas i nu schnö a büd zagn. so jez muas i a schen zum mikrofon zuba dassmas schen sieht. und des is a büd, do hob i an chor drauf gzeichnet. und die chorsänger und sängerinnen san olle pudlnockat und des büd hast hardcore. do hob i nu a böd und do siagt ma nua a wellenlinie drauf, a wellenlinie und drunter steht “scheiß april” na stimmt eh net. des is a bledsinn. na, des is des meer die wellenlinie und des büd hast ” zwei nichtschwimmer auf hoher see”. jo, so und jez muas i schnö nu a schlogzeigsolo spün und daun is aus

- alf poier lyrics

Random Lyrics

HOT LYRICS