allschwil posse – schwarzi amsle lyrics
i bi am schpraye gsi am bahntr-ssee, sone bitzli farb, das duet jo niemerem weh
han e liedli pfiffe, e neui songidee, do hani begriffe, do pfiift no öpper meh
usme baum isch es koh, e bittersiessi melodie, s’sch nit e gloon us mannheim, es isch en amsle gsi
als hätti fuffzäh gleser gfrorne vodka gsoffe, so kalt isch mir das lied dr rugge abegloffe
schwarzi amsle uffem baum, was singsch du mir für lieder vor?
gäll, s’isch nur e böse traum, sag mer schnäll, es isch nit wohr!
es loht mer kei rueh, i schpüres ganz subtil, was mer die schwarzi amsle sage will:
es goht um mi liebschti, ihres läbe isch bedroht, sie isch krank oder villicht sogar scho tot
drbii hanise bsuecht erscht no vor es paar schtund, sie isch munter gsi, kugelrund und gsund
aber s’kunnt mer vor, mi allerliebschti sig in gfohr, mit däm truurige lied do i mim ohr
schwarzi amsle uffem baum, was singsch du mir für lieder vor?
gäll, s’isch nur e böse traum, sag mer schnäll, es isch nit wohr!
i bin uf und drvo, han alles lige loh, vom bahnhof e taxi bis uf gundeldinge gnoh
woni ändlig ume’n egge in ihri schtross bin koh hani vo wiitem scho d’ambulanz gseh schtoh
dr motor isch gloffe und s’blauliecht het sech dräit, “mir könne numme hoffe” het dr sanitäter gsäit “d-ss es schnäll goht und d-ss glii mag fiirobe sii, es isch vrbii, die frau isch hii”
dr lift het gschtreikt, so bini über d’schtäge in erschte schtock, und döt isch se gläge
kriidewiiss mit iiskalte händ uffem bett, mi grosi womi friener als buschi ghietet het
e prieschter, e rabbi und e imam sogar, die schtöhn rund ums bett und drum isch es klar
mis liebe alte grosi ligt im schtärbe, so öppis ka eim dr ganzi dag verdärbe
schwarzi amsle uffem baum, was singsch du mir für lieder vor?
gäll, s’isch nur e böse traum, sag mer schnäll, es isch nit wohr!
mis grosi wird iibalsamiert – dumms züüg, isch gar nit wohr, sie wird kremiert
sie goht ins füür, well di andere offärte, das kämti z’tüür – mi grosi het nit reklamiert
und ufem friedhof grad näbe’n ihrem grab, do het’s none platz, wän loche sie ächt döt mol ii?
i hör en amsle im baum, es isch nit e schpatz, dä platz isch reserviert für mii
schwarzi amsle uffem baum, was singsch du mir für lieder vor?
gäll, s’isch nur e böse traum, sag mer schnäll, es isch nit wohr!
Random Lyrics
- magnus uggla – det är tanken som räknas lyrics
- mono inc. – alles was bleibt lyrics
- the friday night boys – chasing a rock star lyrics
- the northern pikes – believe lyrics
- ave sangria – o pirata lyrics
- mario pelchat – les femmes lyrics
- dumfuxk – ruin lyrics
- office of future plans – harden your heart lyrics
- sly & robbie – you’ve got a friend in me lyrics
- pooh-man (mc pooh) – eatin’ pussy lyrics