aly el sha3er - et3alemt | إتعلمت lyrics
كل مرة بقول كفاية وبرضه برجع
ببقى عارف اللي هيحصل كالعادة لكن عمري ما بسمح لعقلي
يتعلم مرة من اللي شوفته، لكن إزاي
مبقاش الشخص اللي أنا عرفته
اللي لازم يتنيل ويكرر نفس الغلطة
لا وكمان ما بيتعلمش إلا أما يوقع نفسه ورطة
ويقول كل اللي باعني عرف أكيد دلوقتي قيمتي
من خيبتي قلدته وجيت على نفسي وصدقت
إن ليا الحق أعشم في الخلق وسرعان ما إكتشفت
لا وألف لا، مستناش الحد عشان
قدمته كمان وقدمت أكتر منه وماكنتش عشمان
أستناه في يوم من الأيام يرجع أو حاجة بداله تترد
لكن هبدأ في العد وأشوف كام واحد شال وسد
كام حد جه على نفسه وكان كل اللي معاه على القد
كام حد لما وقعت إختفى بمرور الوقت
كام حد لما إحتاجته كلمته وملقتش رد
نكمل عد في عز البرد
مين كان دفا ومين إختفى
ومين كان ضلي وكتفه في كتفى
ومين إكتفى وقال سألت
كل اللي كان في عينيا بيلمع نوره إتطفى
بعد ما خد على نفسه وعود خلفها وغيره بيها وفا
وإنتو مكانش لازم أمشي عشان تتأكدوا إني بايع
قيمتي عرفتوها لكن في الوقت البدل الضايع
عقلية فاذة قادرة تصنع القرار
لو كل اللي قصاده أحتار وأصبح صعب الإختيار
بين كل اللي عايزه وكل اللي لازم تمنع نفسك عنه
وكل اللي هربت منه وكل اللي إتحديت نفسك توصله
عقلك خلاك تعمل تجربتك إنجاز
تتحكي للناس إن جاز التعبير كالنبراس
عشان تفهم قوانين العشق وما تحبش وخلاص
فيبقى العشق حرام وممنوع من سرد الأحداث
ومتعرفش نهاية للقصة لكن تتوقع مين فاز
تقول تعشق من وسط سيمفونية صوت نشاذ
تتحكي للناس إن جاز التعبير كالنبراس
عشان تفهم قوانين العشق وما تحبش وخلاص
فيبقى العشق حرام وممنوع من سرد الأحداث
ومتعرفش نهاية للقصة لكن تتوقع مين فاز
تقول تعشق من وسط سيمفونية صوت نشاذ
أندم على إيه ده كفاية بس إني إتعلمت، ياه
مش عارف إزاي ياما عشانكوا إتحملت ملامه
وكلمة إبعد عنه عشان معارفه فلانه
مش شبهك، وفلان ده منتاش عارفه
كلهم إتفقوا على رؤيتهم للي إتخفوا مني
في عز الشدة فعلاً ماضي يستحق نسفه
لسه فاكر ذكرياته وفاكر كل غنوة لوردة
لسه فاكر كل دعوة في كل ركعة وكل سجدة
لسه فاكر كل لمسة وفاكر كل همسة
لسه فاكر، فاكر لكن قررت أنسى
على نفسي هقسى لكـن زي ما عذبتها
دلوقتي هعلمها إنها ما تفكرش في حد إلا أنا
أنا أنا اللي بحور الشعر في حبك جففتها
أنا اللي زرعتك أرض بور ولما طرحت وغيري جنى
أنا اللي من كتر أما شيلت همومك ضهري إتحنى
أنـا اللى وهمت نفسى إنك ملاك نازل م السما
قسمت الأدوار على نفسك ورضيت بالصبر
مهما بيحصل بينكوا هتفضل ضفر فـ لـحـم لأبد الدهر
Random Lyrics
- king satan - demon made flesh lyrics
- uve sad - pasan por mis dedos lyrics
- blank notion - everything was better lyrics
- kayra - muhtemel son lyrics
- shokkasg - louis gang lyrics
- j57 - homi hilfiger lyrics
- d4v3 - foglyul ejtett sárkány lyrics
- envy of none - never said i love you lyrics
- walt disco - timeline lyrics
- kyslingo - lean on me ᐸ/3 @freelingoxo lyrics