aminoffice - l'ghoul | الغول lyrics
[اللازمة]
هذا المدينة حدها تڭولك موت
هذا المدينة غول ياكل فالخوت
الوقت حابس كولشي غادي مثقل
أخرتها الحماق هنايا كاين شي حاجة فشكل
بكري غادي نخوي ماشي بالليل
سلا سحارة كتولي بالليل
ميمتي مزاوڭ فيك خليني
لا مارة فيك خليني
[المقطع الأول]
الحجاية كتڭول شدوك الجواد، خدمو ليك الوحلة
جاتك الموت يا قصير الدراع، يا لي وحلتي فسلا
العصب كايدوزو الحريق، الضر يعنڭ الضر
بغيت تفرڭع فالقبر، سع الروح مازال جاراني فالطريق
جيبو الهدامة يطيحو السور، 100 طبقة دالحمري
نفخوه فالعرض، دوخوهم بالساكتة والبخور، والتورني يدور
صباح القاصحة و المرتال ، آمة الله مكوكط عليها العزري فالمصروف
مخبل بالغمال وطالقها سارحة
عطيو « ج » للبزناز را مكالمي حومة
تحت دراع الحنشة سيڤيل للدراري يمد، حتي ضمير الڭراد را كوما
بڭلاسي هنايا شريت الموت الطويل
بعت الدمير بالدوخة، دمير الحمير باطل عند الخيل
ضرب على ڭلبك ميڭاز را ڭلبو عليك فالإحصاء
ألفين والصرف ومازال الفندق سكنة، حفظ انت الإنشاء
الياجور الحمر ناقصو المرطوب زايدني فالغمة
الضرابو بوحدو لي حمر، دمنا ولا ظلمة
لالة مولاتي رباط الفتح، حني علينا بالأمن
ويكونو الفرادا فالجوايات، بغينا جهنم تولي عدن
فالدورات زايدين الزيارات، ما بين الڭرابة دالعبابر
الشراية دالعفو، الفتيخ ولحيس الشكاير
[اللازمة]
هذا المدينة حدها تڭولك موت
هذا المدينة غول ياكل فالخوت
الوقت حابس كولشي غادي مثقل
أخرتها الحماق هنايا كاين شي حاجة فشكل
بكري غادي نخوي ماشي بالليل
سلا سحارة كتولي بالليل
ميمتي مزاوڭ فيك خليني
لا مارة فيك خليني
[المقطع الثاني]
الرياحات كانو شرجم للشوفة لبعيد، للضربة لبعيد
تصداو المدافع، طار البارود بقا فيدينا غي الوقيد
حنا لي كنا نطيحو الرجلة فالمحيط
جمعونا الشمايت فحبس محلول يا مع الدروش يا مع المساخيط
هاك أخويا المعاودة، الله يشد ليك فالميمة
ڭليهم برا خوهم واحل بين الڭراد و السيما
الناس عايشة فمدن وحنا ساكنين فغول
تڭول لحد إلا زرتيه،تبقى فيه ثم حتى تزول
طالبين السماحة من الكلاب، فالعيشة ديالهم مزاحمين
بالبوليط فاللور بحالم، من غير الله ما كاين ناصرين
القهرة مرسومة فينا، حيت حنا الأصل
إلا غبت عليك دوز طل للرازي تاصل
سلا الميمة انت الخير و فيك الضر
انت شر و لي من غيرك ماشي بر
انت لي تڭادي و تفرعي فالعمر
عارفك كتموتي علينا، غي خلينا نمشيو
را وصلات القبطة ماشي غي المضا فينا
الناس يشوفو الضص وانا خايف نزطم نغرق
ماسميتهومش العتابي لي فيك، سمييتهم الشق
حتى لي كاين غي دايز منك كليتيه يالوالافة
ولا بحال لي مجوج بمرا زوينة خسارة زحافة
[اللازمة](x2)
هذا المدينة حدها تڭولك موت
هذا المدينة غول ياكل فالخوت
الوقت حابس كولشي غادي مثقل
أخرتها الحماق هنايا كاين شي حاجة فشكل
بكري غادي نخوي ماشي بالليل
سلا سحارة كتولي بالليل
ميمتي مزاوڭ فيك خليني
لا مارة فيك خليني
Random Lyrics
- djexon - lezbejka lyrics
- nakhane - sweet thing lyrics
- jack johnson - is one moon enough? lyrics
- deiveed - anybody lyrics
- dj fortee feat. ree moris - the light lyrics
- belchior - rock-romance de um robô goliando lyrics
- kalle mattson - amelie lyrics
- d' assis - 5i60 lyrics
- tez honcho - work it out lyrics
- zabranjeno pušenje - boško i admira lyrics