ammar hosny - whiskey | ويسكي lyrics
[المقطع الأول]
مكنتش بعرف أحكي كنت بشتكي للورق فترات
مكنش بينا طريق مقابله كنت بسهرلك في شات
وفرق بين جوابات وبين كلام على لوح ازاز
محدش عارف أنا عيطت كام مره ومكتوب تمام
مكنش في ضهري عيلة فاتسندت في صحاب فالصو
أول ما اتحطيت في أول عركه سابوني لوحدي و جريو
فأنا إتعودت أكون لوحدي ومتسندش بحد
وإتعلمت إنها كلها جدعان بتسيبني وقت الجد
حبيت ملاك كانت جميله والأيام بتغير
عشنا جوه دماغي وبره العالم كان لسه بيترندر
هي تعبت وأنا يتزهق مني إن جيت للحق
أظن كده خالصين يا بنت الناس بكفاية كسر في بعض
وأنا إبن أصول محيلتيش اللضا وكده بس جدع
ممكن أديلك عنيا بس هتسندني أما هقع؟
مش هتجمعنا صدفه الطيبون للطيبات
وأنا كان قلبي طيب جداً وإنتو أوسخ خلق الله
[اللازمة]
كات جوابات للسما مكتوبه في ضهر الملزمة
مبلوله بعياطه ولما قالوا عليه يتيم في المدرسة
واللي يزعل أكتر من إنك لوحدك
إنك تتعب بس ما تلقى حد تبوحله حتى بتعبك
جبنا آخرنا، الدنيا باين زهقت منا
ما هو يا تغورنا في داهيه يا تدفنونا مع زمايلنا
كنت نفسي في حضن بس ما فيش أحضان كانت بتساعني
أنا كل اللي آذاني كلام كتمته فعشت اتأذى لوحدي
[المقطع الثاني]
في صوت كمان مسكتش صوت عازف مسابش السوق
أنا حالي كل يوم بيسوء وشكلي مش هفوق مش كده؟
متفوقنيش عشان لو فوقت هكره نفسي
كانت الناس بتحب الناس وكنت لوحدي بحب أزايز ويسكي
كتبت إن أنا مضايق ع الحيطة اتصوروا معاها
كان كل اللي هممهم ياخدو بوست مش يسمعو غنايا
حاربوني عشان نجحت في حاجه مش حاببها
لو هكون كويس بكره إشبعوا بالشهرة وربك مش عايزها
متفرحيش إن أنا تعبان أنا هبقى كويس بكره
هطلع المس نجم السما بس إنتي هتفضلي لسه وسخه
واللي اتباع بمال قارون هيفضل إسمه اتباع
والناقص لو خد كنوز الدنيا هيفضل برضو جعان
كل الناس سميعة مش كل اللي سمعك صاحبك
بكره الهيلمان ده هيخلص وهتتفض وتبقى لوحدك
بلاش عشم ومتسبنيش عشان هوحشك
بكره كل الناس هتحبك لما تموت فاصله نقطه إنتهي
[اللازمة]
كات جوابات للسما مكتوبه في ضهر الملزمة
مبلوله بعياطه ولما قالوا عليه يتيم في المدرسة
واللي يزعل أكتر من إنك لوحدك
إنك تتعب بس ما تلقى حد تبوحله حتى بتعبك
جبنا آخرنا، الدنيا باين زهقت منا
ما هو يا تغورنا في داهيه يا تدفنونا مع زمايلنا
كنت نفسي في حضن بس ما فيش أحضان كانت بتساعني
أنا كل اللي آذاني كلام كتمته فعشت اتأذى لوحدي
Random Lyrics
- meetluminous - ungay'vusa lyrics
- onestar - 고백하러 가는 길 (serenade) lyrics
- rebzyyx - i don't remember lyrics
- hirockstarboy - wakemeupwhenitsover lyrics
- фактор 2 (factor 2) - в начале мая (in the beginning of may) lyrics
- kenny cree - ghost lyrics
- elan oficial - leave me lyrics
- yerai r - humo blanco lyrics
- star-lord band, steve szczepkowski & yohann boudreault - zero to hero lyrics
- renee blair - get the girl lyrics