ayman hero - true story lyrics
[المقدمة]
ديما دير شي هدف فحياتك باش توصل ليه
واخا ماغاديش تجيك ساهلة في الأول غادي تعدب
غاطيح ما مرة ما جوج
خاص تكون النفس ديالك قوية أو دير بلي تاشي حاجة ماخاصها توقف قدامك
أو تيق بيا غادي يجي واحد النهار بلي كاع البيبان لي كانو مسدودين
غادي يتحلو قدامك
راه حنا بيدينا لي يمكن لينا نبدلو المستقبل
إلا لحمك شوك عرف راسك بلي راك ولد الشعب
أو ستيلو ملي كيبكي ها شنو كيخرج
[مقطع وحيد]
الحكاية بدات بدري صغير فقير ماعارف والو
كيشوف فباه مقاتل مع الزمان بغا يسولو مالو
وضعية فقيرة والقناعة ماقضات لينا والو
هادا عندو وهادا ماعندوش مشا ليه ديالو
مالك أ بابا ديما مهموم فعينيك ضبابا
تا كول ليا علاش حنا ؟ واش هادا طغيان أو صلابا ؟
بغيت ننطقها لساني تقال ماعرفتش أش طرا
تخربقت في دماغي واخا صغير مبغيتش نقرا
عام في السن ديالي الوليدة بكات بسباب الحالة لي عايشين العائلة تشتات
مقدرتش نصبر كانكول كون غا روحي خرجات سامن في براكة كلها زنك والله ماتقد تبات
خرجت أو خدمت واخا صغير نصوفي ماما
صنادق فوك كتافي و أنا صابر كيعوني بابا
فالقسم بلاصتي خاوية كيسولو مالو ماجاش ضوروف ديال غاعما معاوناني مامتيقهاش
دراري قدي كيتشفاو مجتمع ماكايرحمش
بكيت او شكيت لله وجهي ضعاف وليت هشيش
النية صافية القلب قصاح ماكيتتقبش
العائلة كاتشوف فينا شوفا ناقصة ماعليش
صحابي مكسيين كلشي ناشط وأنا لا
يا رب تعفو عليا غير من هاد المحنة
جاتني صدمة ماتيقتش الواليدة مرضات
الحمل تزاد كنشوف البكاء في الدنيا تقلبات
مابقيتش قادر على الحياة
عطيوني صاكي في الزنقة نبات
اولاد الدرب كولشي داوي على الفلوكة
بنادم مريسكي براسو باغي يصوفي أو يجمع موكا
تأثرت بكلامهم وليت نحلم براسي إنسان
جمعت حوايجي فصاكي دماغي مرفوع بحال إلى سكران
قطعت شلا مدون 3 أيام مدقتش النعمة
مرا من طوارو دزبل مرا من شي دار فخمة
تعاشرت معا دراري وراوني كيندير باش نحرك
فعينيا الوليدة كنحس بيها واخا زرك
داز النهارالأول أو التاني أو التالت غادي
راخيها في يد الله أو بالخلعة غانجبد فادي
تخشيت وسط الرموك ماعارفش اشنو صرى
يا ربي مايشوفني أحد أو في الدعاء نقرى
غادي في الطريق الحلم غايتحقق
رجعت في الروح تفكرت يامات الدرب نزقق
المعاناة كلمة ماشي ساهل توصفها الدنيا دوارة شريكي 100 في 100 خاصك تعرفها
وصلت أو دارت بيا الدنيا ماعرفتش أشنو ندير
واش نخرج ؟ واش نبقا ؟ الله يدير لي فيها الخير
حليت عينيا لقيت راسي وسط بلادات الناس
فرحت فرحة كبيرة بحالا رابح شي كاس
ااايييه يا بلادي ديري المزيان مع أولاد الشعب
حيدو المساوس أو الشفرة انااري كلبو اللعب
ماباغي والو
باغي غا نصوفي الوليدة
ماباغي والو
باغي غا دار ماشي حديدة
ماباغي والو
باغي نعيش حياة سعيدة
ماباغي والو
الله يشافي الوليدة
Random Lyrics
- the cold stares - election blues lyrics
- ouioui (위위) - 놀자! (move on) lyrics
- swerzie - talk to god (remix) lyrics
- hearts of saints - the secret lyrics
- ken lobo - ken, please forgive me, but i gotta hold you back. lyrics
- wednesday - handsome man lyrics
- kylie minogue - locomotion (girl meets boy mix) lyrics
- boj - shakara lyrics
- embers in ashes - don't give up lyrics
- diona fona & marin - pistole lyrics