balti بلطي - marginal lyrics
[المقدمة]
تصور روحك في بلاسط انسان تشرد ولا هبل
شوف اش ولاو اليوم
شوف اش كانو قبل
[المقطع الأول]
ايجا شوف الديكور فين تعيش برشة ناس
في الخرب ولا على العتب فرشو كراذن في الكياس
غاذي كلاو كان لقاو غاذي يصبح غاذي يبات
غاذي ياكل إلي كتب فضلت البوبالات
مسخ من برا أما لوج عليه من داخل
تو تلقاه كنز مخبي تو تلقاه انسان اخر
تو تلقاه انسان كان في أحسن لحوال
أما ظلم الناس اليوم خلاه ياكل مل البوبال
وين تمشي تلقى واحد ولا إثنين
تلقى ثلاتة تلقى أربعة تحت الحيط حفيانين
تلقى البو تلقى الام تلقى الجون دبلومي
شاف الذل لين هبل بطال ملي خرج مل فاكولتي
تلقى المتثقف جرب اقف و أحكي معه
متشرد أما شوف المخ إلي ربي عطاه
تو تلقاه فيلسوف كي أفلاطون وسقراط
أما الحالة إلي وصللها سببها خانتو مرا
كل واحد عندو سبة كي البو اللي جاب ولاد
قراهم و كبرهم لين خرج للرتريت
بعد ما كبر قالوا بونا خرف قال بونا خج
هزوه الدار المسنين في عوض ما يهزوه للحج
تلقى مرا تطلب و قدامها صحن
البودورو أكثر من بو ميا للي صدق و حن
عندها ولد فاسد كبير ما عملشي فيها الخير
بيت مرتو في الحرير بيت امو عل الحسير
تلقى جون كمل قرى جا من الريف للكابيتال
فرش كرذونة تحت الحيط و الغطا جورنال
حب يخدم و يكون و يعاون دارهم في البلاد
ياخي جا لقا الكساد المعارف تقضي موش الديبلومات
[اللازمة]
وين كانو وين ولاو
وين كانو وين ولاو
كانو ناس كيفنا أما إليوم مشاو
وين كانو وين ولاو
مشاو في طريق ظلام مشاو لبلاصا ظلام لين تنساو مع ليام
[المقطع الثاني]
تبدى واقف في المحطة تستنى في الكار
تجيك مرا تطلب في يدها صغير و وراها زوز صغار
البو مات خلالهم أرض فيها حرث
الام تجهل القانون و عمومتهم غارو عل الورث
تلقى الام اللي عندها وليد بركة
بعت فرادي ذهب بش هو يمشي في حرقة
البلنسي اللي مشى فيه غرقوا هو واللي فيه
امو هبلت عليه و لتوا تستنى فيه
تلقى شكون هاز وراق كان بروف متع فيزيك
لابس لبست شلاكة بوط طويل و الحال صيف
طردوه كي شدوه مع بنية قد بنتو
واللي أتعس من هذا الكل تلميذة من تلامذتو
فما اللي تحكي وحدها الله أعلم مع شكون
مرة تبكي مرة تضحك مرة تحسب في النجوم
راجلها عمل فيها الشر لين وفاو بالطلاق
ما رضاش بحكم ربي مرتو ما تجيبش ولاد
فما اللي كان يعيش البرة و روحوا بيه
إليوم يحب يرجع للطليان على ساقيه
باع الغبرة لم فلوس مشاو غبرة
فلوس لحرام تمشي في الحرام خوذ العبرة
تلقى رجل كبير ظلمتوا اخر الايامات
يمشي يطلب في باب الجامع بعد كل صلاة
كان يعيش في دار بنتو راجل بنتو عمل فيه
ياخي هج بش بنتو مع راجلها تعيش في خير
اللي خواتو نكروا فيه اللي مرتو هربت بيه
اللي بنية لعبت بيه الأستاذ و المدير
أمي وأمك بابا وبوك أختي و أختك خويا و خوك
إليوم يمشو حفيانين في طريق ظلام فوق الشوك
[اللازمة]
وين كانو وين ولاو
وين كانو وين ولاو
كانو ناس كيفنا أما إليوم مشاو
وين كانو وين ولاو
مشاو في طريق ظلام مشاو لبلاصا ظلام لين تنساو مع ليام
Random Lyrics
- al peco - comment ça ? lyrics
- dazzled sticks - trammelant lyrics
- kaiser chiefs - good clean fun lyrics
- punky meadows - home wrecker lyrics
- son ship - naked lyrics
- jamie woon - skin lyrics
- ishdarr - yes, you lyrics
- midso - pałac lyrics
- jay chou (周杰倫) - rice aroma (稻香) lyrics
- kaiju the unconquerable - forbidden lyrics