azlyrics.biz
a b c d e f g h i j k l m n o p q r s t u v w x y z 0 1 2 3 4 5 6 7 8 9 #

batistuta - باتيستوتا - eldonia - الدنيا lyrics

Loading...

[المقدمة]
يا إللي غرك زمانك خد بالك من الدنيا وإعمل حساب للآخرة
وسيبك من الدنيا، ياما خلق ظلمت كتير وذليتهم الدنيا
(gangster the gawd!)
إسمع يا إبن ولدي

[المقطع الأول]
جينا الدنيا دي على عجل، مستعجلين
ولا فارقة نكون إيه ولا مين
نفضل زي الغنم نشتغل، متسلسلين
فجأة ناخد كف يخلينا نغرز في الطين (بع)
دنيا على إيه؟ واخدانا على فين؟
قاسية علينا ليه؟ سيبينا ناكل عيش
دماغنا ساحت ع الرصيف، ما فيش في جيوبنا شيء
كله عينه على غيره، ما فيش فينا خير
على الله كله رايح، على ضهري واخد عصاية
وبرضه لسه واقف في وشوش ما فيها راجل
بكون حقيقي واضح في زمن موت ضماير
يا رب إنت إللي عالم، كتافنا باظت خالص
بقول كلام وقاصد أصحصح إللي عاطل
وأعرف النواقص إني عليهم قاطع
بحاول أبقى أهدى وأكون نضيف وصالح
الدنيا دايمًا أذكى، ما أعملش فيها ناصح

[اللازمة]
على راحة البال بندور
بنسمع ذكر ونتطوح
يوم نكسب، يوم نتعور
يا إما عقولنا هتتدمر
ولا، على راحة البال بندور
بنسمع ذكر ونتطوح
يوم نكسب، يوم نتعور
يا إما عقولنا هتتدمر
[المقطع الثاني]
يا دنيا جاية ع الغلبان
الصحة راحت بالمجان
ميزان خربان فرم في الناس
والقلة صبح باشا وبان
عجبي عليك يا إللي إنت زبون
تحب اللقطة وعليها تروح
مش دايمة لحد، على مين هتكون؟
باين السوق خلاك مجنون
طباخ والسم دايقه
شيطاني رابطه سايقه
أنا بلعب بيه وأزاوله
بشوفه فين وأضايقه
أنا شخص عقله جايبه
قلبي في البيت ده سايبه
لساني راكبه وبقول أنا عقلي عقل سايكو
الشكوى لغير الله مذلة
هو الوحيد بيستر حالنا
أيامنا صعبة، جايبة أجلنا
يا رب سترك وإعفو عنا
في ناس كتير مترصصين
جوة المولد متشحططين
في دنيا تانية، ضاربين شريط
عايزين يموتوا، مش حاسين
كله من شرور الخلق
ما حدش فيها سالك لحد
ولحد ما يجي يوم نتلم
هتكون الدنيا حرب ودم
كلام كتير يا عم
جوايا كله غم
طالع في هيئة فن
ولساني ع المسن
[اللازمة]
على راحة البال بندور
بنسمع ذكر ونتطوح
يوم نكسب، يوم نتعور
يا إما عقولنا هتتدمر
ولا، على راحة البال بندور
بنسمع ذكر ونتطوح
يوم نكسب، يوم نتعور
يا إما عقولنا هتتدمر



Random Lyrics

HOT LYRICS

Loading...