a b c d e f g h i j k l m n o p q r s t u v w x y z 0 1 2 3 4 5 6 7 8 9 #

brut-son - mab9ash 2 | مبقاش 2 lyrics

[المقطع الوحيد]
على بالي قداه من خطرة سقسيتيني و قلتي
راني نستنا وقتاش تجيني غناية من عند ولدي
باه نعرف قداه يحبني و الا توحشني مون فيس
آ ماما نديرلك 100 غناية 100 تاكست و ما يكفيش
grave نحسها رايحة و تصعاب راني توحشتك
يدفيني غير صوتك كي نحكي معا كدي فوا فالواتساب
ما نحبش نقولك مصايبي، مشاكلي ولا واش صاير
غير دعاويك ليا فصلاتك هوما لي يخليوني صابر
le billet مازالو فراصي ليزيماج قبل ما نقص
تريكويا تبل من دموعك كي كنتي محضنتني
أنا مكانش لي بكا عليا في حياتي الكل غير انتي
أنا ليسبوار لي بقا ليا في حياتي الكل هو انت
كي جيت هنا وليت نقول وين راهم يامات لاماما
plat كي كانت تجيني لبيتي تجيبلي ماكلتي فال
داصي تغديت ولا لا داصي تعشيت ولا لا؟
كاش ما نطيب لولدي كاش حاجة سخونة حابها
لهنا مكانش لي يقولك هاك الدعوة فريمون باردة
كل يوم فالسوبر ماركت نروح نشري كاش ماكلة جامدة
نحطها فالميكروأوند ولا فالفور وحدي فالطابلة
بالفرشيطة و الموس ليه ليه بلا ما نبطا
مانيش نلعب فيها زعما ولد القيطو واش بيك
ولا حنا تاع ميزرية زعما خاطينا الشيك
ولا الغربة ماشي مليحة أبقا فالبلاد خير
لي قالهالك راو كذاب راو مش حابلك الخير
l’aéroportالبروبلام راو يبدا بعد كي تخرج م
تحس بفرحة مش نوررمال تبدا تسركل فالكور
الطيارة طير و انت بالفرحة طير معاها تعود فو
مي كي تخزر مالكارو و تشوف البلاد الكل من فوق
تحس كاينة حاجة فو، كلي نسيت حاجة وراك
ما عرف باقاج ما عرف كابا راي حاجة ناقصة و خلاص
جو بونس واحد لابارتي منك راي ما تطلعش معاك
توصلك للمطار تودعك و تقولك ربي معاك
هذا وعلاه الناس لي فالغربة مني أنا و روح
يحسو ديما بالفيد محفور الداخل فالروح
كاين لي يعبيها بالدين دبرها راو رابح فالسكور
و كاين لي يعبيها بالفودكا لي بوات دو نوي و لالكول
راني بيناتهم ندور، ساعة من ساعة منا
ساعة على الحافة تاع لونفار ساعة بحذا باب الجنة
ساعة المورال راو طالع آ فوند نقول الحمدلله تهنيت
ساعة راو طايح كثر من نيف لعرب و نقول وعلاه جيت
لحاصول داصي يبوجي، عايش اليوم بيومو
شوية خدمة شوية راب لي يحكي بيه همومو
البيت الأول الحمدلله وصلنالو درنا وراقي
فليطاب الجاية دوك نبدا نلتها بالشيء لي باقي
دوك الموسيقا بقاتلي، يا نكمل يا نبدل الطريق
باسك ما ربحنا والو ملي بدينا لازم نفيق
c’est vrai darna des fans c’est vrai we had some fun
مي كنت نشوف فيها حاجة أخرى نهار كي بديت أنا، مان
كنت نشوف فيها دي تورني دي لايف شو و دي كونسار
my love, my job, my carrier قلت هادي هيا لي نديرها
بديت نكتب و نساكريفي قلت ما نشوفش خلاص للاريار
لقيت روحي كيما يقول الروسوفار نافونصي للاريار
fel youtub 3endi 10000 vu, w f ccp doro la
ثقافة طرشة و أنا نغنيلها دو ري مي فا صو لا
فلا فين ترشا مالعكساتو الكذب و كلمة لا
مكانش هادي ما فيهاش او غير نسا الحاصول لا
2016 راني في تورني تاع وزارة شباب
تما فهمت بيان كيفاه ماشية الثقافة فالبلاد
واش لازم باه لارتيست يبان، على جال لي كونسار تتهان
واش من ظهر لازم تمسد باش تاكل اللبابة يا جيعان
دونك، فلافين تربح غير العيب و لي هاشتاغ
و شوية سوفونير ملاح لي درتهم فباركور تاع الراب
مي ريسبي للي رابور لي راهم أكتيف درك كامل
مي عندي واحد الفيلينغ بلي الكاسيت راح تتعاود
ستاتي طويل فالفايسبوك فيه آ جماعة راني راح نتوب
لي عندو غنايات ينحيهم أنا راني آوت ماليوتيب
بالراب عرفنا رجال و عرفنا كذا .. اكستيرا
les gars المهم نتلاقاو فساعة الخير سلام عليكم
مم، سيبورسا ولات تبانالي لعبة
هذا وعلاش حبيت نجرب طريق أخرى فأوروبا
، بلا نلقا كاش خرجةun pasقلت خلي ندير
لو مام كونسايت لو مام داصي واش هيا بلغة أخرى

- brut son lyrics

Random Lyrics

HOT LYRICS