bubbi morthens - horft til baka lyrics
þessi augu minna á herskip hjartans
sem hljóðlaus sigla vokandi dimmrautt hafið
tundurskeytaorðin finna í myrkrinu markið
og móðurskip heilans liggur í djúpinu grafið
og ég stari á þig í gegnum glasið og vökvann
meðan grimmd þín flæðir bakvið lokaðar dyrnar
dreg að mér andann og eigna mér glæran botninn
út úr angóruvörum þínum standa þyrnar
í myrkvuðu rúminu lifa minnislausir snákar
og mjúkir kaktusar heitum örmum þig vefja
þú sérð að koddinn er fylltur með fögrum orðum
sem fanga þig nakta og þreyttan hug þinn sefja
í þínu ljósa hári hláturinn sefur draumlaus
en hatrið nývaknað lærir strax hver á leikinn
það er heitt hérna inni og allar dyr eru læstar
eitthvað er að brenna en ég sé bara ekki reykinn
á bankabók ástarinnar eru aðeins kossar kaldir
og við klífum ísinn í von um að finna þar hita
en finnum aðeins lögmenn klædda kuldaúlpum
sem kafa oní hjörtun og fá sér þar bita
ástin á fleiri andlit en tekur að telja
trúðurinn fleiri tár en harmur okkar beggja
ef sál mín hefði vængi væri ´ún flogin fyrir löngu
frjáls undan oki þessara gulu veggja
Random Lyrics
- anysia kym & tony seltzer - speedrun lyrics
- werpy - f1nna cry 2n1t3 lyrics
- gavin bolt - everything is ok! lyrics
- barbara pravi - les ruines lyrics
- bruke - mensaje le clavo lyrics
- shanti sena - bird’s eye view lyrics
- leevio - villain lyrics
- december 7th - swollen to bursting lyrics
- twentyoneroblox - days sleep ghost lyrics
- licon officiel - remords lyrics