burzum - galgviðr lyrics
sat þar á haugi
ok sló hörpu
gýgjar hirðir
glaðr eggþér;
gól of hánum
í galgviði
f-grrauðr hani
sá er fjalarr heitir
gól of ásum
gullinkambi
sá vekr hölða
at herjaföðrs;
en annarr gelr
fyr jörð neðan
sótrauðr hani
at sölum heljar
geyr nú garmr mjök
fyr gnipah-lli
festr mun slitna
en freki renna;
fjölð veit ek fræða
fram sé ek lengra
um ragna rök
römm sigtíva
bræðr munu berjask
ok at bönum verðask
munu systrungar
sifjum spilla;
hart er í heimi
hórdómr mik!ll
skeggöld, skalmöld
skildir ro klofnir
vindöld, vargöld
áðr veröld steypisk;
mun engi maðr
öðrum þyrma
leika míms synir
en mjötuðr kyndisk
at inu galla
gjallarhorni;
hátt blæss heimdallr
horn er á lofti
mælir óðinn
við míms höfuð
skelfr yggdrasils
askr standandi
ymr it aldna tré
en jötunn losnar;
hræðask allir
á helvegum
áðr surtar þann
sefi of gleypir
hvat er með ásum?
hvat er með alfum?
gnýr allr jötunheimr
æsir ro á þingi
stynja dvergar
fyr steindurum
veggbergs vísir
vituð ér enn – eða hvat?
geyr nú garmr mjök
fyr gnipah-lli
festr mun slitna
en freki renna;
fjölð veit ek fræða
fram sé ek lengra
um ragna rök
römm sigtíva
Random Lyrics
- prāta vētra (brainstorm) - tā nogurt var tikai no svētkiem lyrics
- eurielle - gold lyrics
- oh my girl - bungee (fall in love) lyrics
- lil dodo - pollo lyrics
- blind eyez - worlds away lyrics
- yung____vulgar - everyday lyrics
- metal mother - 'w' lyrics
- youngboy never broke again - hallelujah lyrics
- negoto - destiny lyrics
- delbert mcclinton - loud mouth lyrics