c h e b . الشاب - f u n a m b u l e | في طبيعة ما lyrics
في طبيعة ما
نتي ممغطة فالربيع
و انا نلݣط فالبلوط
نسهى فكي كايجري الما
و في طبيعة ما
نتي ممغطة فالربيع
و انا نلݣط فالبلوط
بقاي مبحلقة فالسما
و الشمش مبوݣصة و حنينة
آ خاي الريح هنينا
خليك غي بالهداوة تسوط
بلا عجاج و بلا روينة
وا الزين! تفكري الناس الملاح
للي مشاو و ماخلاو مايتسال
من غير نكهة فالبال بنينة
وا الزين دابا يطيحو برياح اللوجيك
نهار يذوقو من كاسو سيك
يجيو يسحاو فجنبينا
و جيتي ما جيتي
رجلينا طوالو
طوالي طوالي
ݣرجة و شادينها طوالة
و كلشي ماشي و يشالي
العݣبة تنادي
باقي شي جهد ولا والو
سوفلي شمر و بالي
نساي العياشة و الخواشة و الغشاشة و ݣاع هادوك
نساي الموضة و ݣاع الحموضة و ݣاع القرودة صحاب الباروك
وا الزين!
و في رواية أخرى
تخايلت حب و تبن و ذرة
ما كاينة لا نتي لا هوما
لا طبيعة لا مجرى
و الشمش كاشفة و حزينة
وانا فبيتي فالمدينة
حاولت غي على دوايا نصوم
ما بغيت نشرب الكينة
كي الزيت! تقولب الما و تطلع الفوق
تطلع الفوق
هلاوس دايرة للحقيقة قوق و ليا تبلبيلة
وا شيت!
غايتفرݣع راسي غانتصنݣع و غانرݣع تا غانعݣر الخيط
يتزعزع نتبجع نتفعفع و نطيح
و باقا الطريق طويلة
و جيتي ما جيتي
رجليا طوالو
طوالي طوالي
ݣرجة و شادها طوالة
و بوحدي غادي و نشالي
العݣبة تنادي
باقي شي جهد ولا والو؟
سوفلي، شمر و بالي
نسا العياشة و الخواشة و الغشاشة و ݣاع هادوك
نسا الموضة و ݣاع الحموضة و ݣاع القرودة صحاب الباروك
وا الزين! كي الزيت! وا شيت!
Random Lyrics
- power trip - brainwave (prong cover) lyrics
- chief kellz, a-clipse & kojo trip - came from lyrics
- love bites - epilogue lyrics
- dylan gardner - like we used to be lyrics
- ktcg - ajax lyrics
- rich shapero - monuments lyrics
- loving caliber - all night lyrics
- dire peril - planet preservation lyrics
- yoncé banks - extasy lyrics
- paula vián - se cansó lyrics