a b c d e f g h i j k l m n o p q r s t u v w x y z 0 1 2 3 4 5 6 7 8 9 #

cairokee - كايروكي - ehna el shaab - إحنا الشعب lyrics

[المقطع الأول]
من كُل جهات المدن الخرسه
ألوف شُبان
زاحفين بينادوا بـ موت الفجر
أستنوا الفجر، ورا فجر
إن القتل يكُف
طب إن القبضة تخف
و لذلك خرجوا يطالبوا
بالقبض علي القبضة
وتقديم الكف

[المقطع الثاني]
الدم
قلب الميدان و عَدل
وكإنه دن نحاس مَصهور
أنا عندي فكرة عن المدن
إللي يكرهها النور
والقبر إللي بات مش مسرور
عندي فكرة عن العار
وميلاد النار
والسجن في قلبي مش، علي رسمة سور
قُلتله لأ يا بيه، أنا أسف
بلدي بـ ربيع و صباح
لسه في قلبي هديل الينابيع
لسه في صوتي صهيل المصباح
لسه العالم حي رايح جي
بيفرق بين الدُكنه و بين الضى
بلدي مهما تضيع، مش هتضيع
ما ضايع إلا ميدان وسيع
[اللازمة]
أحنا الشعب
بتوع الأجمل والطريق الصعب
أحنا الشعب
بتوع الضرب بـ بوز الحزمة، وسن الكعب
أحنا الشعب
بتوع الأجمل والطريق الصعب
أحنا الشعب
بتوع الضرب بـ بوز الجزمة، وسن الكعب

[المقطع الثالث]
ولا بعرف أبكي صحابي غير في الليل
أنا إللي واخد على القمر ، ومكلمه أطنان من الشهور
و إللي قتلني ما ظهرلُه دليل
وفي ليلة التشييّع
كان القمر غافل ماجاش
والنجم كان حافل، لا بطل الرقصة ولا الإرتعاش
وأما بلغني الخبر، أزدحم الباب
أتخاطفوني الأحباب، ده يغسل، ده يكفن
ده يعجن كف تراب
وأنا كنت مُوصي، لا تحملني إلا كتوف أخوان
أكلوا على خوان
ومابينهمش خيانة ولا خَوّان
و إلا نعشي ماينفدش من الباب، ما أجمل نومة على كتوف أصحابك
تعرف صادقك من كذابك
تبحث عن صاحب أنبل وش، في زمن الغش
[اللازمة]
أحنا الشعب
بتوع الأجمل والطريق الصعب
أحنا الشعب
بتوع الضرب بـ بوز الجزمة، وسن الكعب
أحنا الشعب
بتوع الأجمل و الطريق الصعب
أحنا الشعب
بتوع الضرب بـ بوز الجزمة، وسن الكعب

[المقطع الرابع]
بصيت و حاسب نفسى بين خِلاني
تعالوا شوفوا الدنيا من مكاني
حاشتنا أغراض الحياة عن النظر
بالرغم من نُبل الألم و الإنتظار
أتعلمنا حاجات أقلها حذر
ونمنا سنوات مُدهشة
نحلب ليالي، حلمنا المُنتظر
و إمتلأت الأسواق بالموّاكب
تبيع صديق الوهم والمراكب
بالفكر والجيّاع والعناكب، ومذلة الرغيف
أنتوا التوقيف وأحنا السيّر
أنتوا لصوص القوت، وأحنا بنبني بيوت
أحنا الصوت ساعة ما تحبوا الدنيا سكوت
أيوة الصوت ساعة ما تحبوا الدنيا سكوت
أحنا شعبين، شعبين، شعبين
شوف الأول فين، والتاني فين؟
وأدي الخط بين الأتنين، بيفوت
أنتوا بعتوا الأرض بـ فاسها، بـ ناسها
في ميدان الدُنيا
باتت وش و ضهر
بطن وصدر
والريحة سبقت، طلعت أنفاسها
[اللازمة]
أحنا الشعب
بتوع الأجمل والطريق الصعب
أحنا الشعب
بتوع الضرب بـ بوز الجزمة ، وسن الكعب
أحنا الشعب
بتوع الأجمل والطريق الصعب
أحنا الشعب
بتوع الضرب بـ بوز الجزمة، وسن الكعب

- cairokee كايروكي lyrics

Random Lyrics

HOT LYRICS