cairokee – marboot be astek | مربوط بأستك lyrics
[المقطع الاول]
نفس المكان بس اليوم جديد
نفس الحفلة وأنا كالعادة وحيد
نفس البنات والحكايات
مع اختلاف الأسماء
مزيكا بترقص
زحمة تفطس
والناس على بعضيها بتبصبص
ده بينفسن
دى بتلسّن
والجو مكهرب ومتنشن
دخلت واحدة شكلها غيرهم
باين قوى إنها مش منهم
أجمل واحدة من غير مجهود
لابسة عادى وشعرها مربوط
[اللازمة]
مربوط بأستيك وسط ناس بلاستيك
كله عامل فيها مستر بومباستيك
مربوط بأستيك وسط ناس بلاستيك
كله عامل فيها مستر بومباستيك
[المقطع الثاني]
عينى جت فى عينيها وحصل زلزال
و شبط فيها زى العيال
بس العيال كتيرة وبيسفوا وبيعاكسوها
وبيستفزوا ومع المزيكا بيهزوا
اللى ضرب شوطين والجرأة سايقاه
واللى شدّ لاينين والثقة واخداة
هدوم غالية وناس رخيصة
وكلّه هايص أكيد فى الهيصة
عينى جت فى عينيها من جديد
اتكسفت بصّت بعيد
حصلت مفاجأة
فكت شعرها فجأة وسط المكان
بعد ما كان
[اللازمة]
مربوط بأستيك وسط ناس بلاستيك
كله عامل فيها مستر بومباستيك
مربوط بأستيك وسط ناس بلاستيك
كله عامل فيها مستر بومباستيك
[جسر]
حاولت أفتح كلام معاها لكن تنحت
بصتلى باحتقار من فوق لتحت
قولتلها أنا غيرهم
أنا مش منهم
وأتارى مفيش فرق بينى وبينهم
[اللازمة]
مربوط بأستيك وسط ناس بلاستيك
كله عامل فيها مستر بومباستيك
مربوط بأستيك وسط ناس بلاستيك
كله عامل فيها مستر بومباستيك
Random Lyrics
- noize mc – почитай старших (read the elders) lyrics
- sun kil moon – david cassidy lyrics
- grand groove – cuéntame tu historia en días tan extraños lyrics
- rns (gr) – από τoν λόφo lyrics
- decana – zendaya lyrics
- dyscarnate – rise and fall lyrics
- nobodyknows+ – sweet soul music lyrics
- kultiration – glömd e jorden lyrics
- edward dow – sundown lyrics
- anelis assumpção – gosto serena lyrics