a b c d e f g h i j k l m n o p q r s t u v w x y z 0 1 2 3 4 5 6 7 8 9 #

cairokee - roma | روما lyrics

[المقطع الأول]
بصيت في المراية لقيتني ما أعرفنيش
أنا إبن إنهاردة ولا أنا إبن الماضي
واحد واقف قصادي مش سايبني أعيش
كتبلي الرسالة بيقول فيها الأتي
أما بعد هبدأ الكلام بوعد
هفضل معاك لو إنت رعد أنا برق
أنا رعب أنا الماضي الصعب
أنا إنت لما وقعت
لما الشيطان وزك وسمعت
لما إتعميت ولقلبك بعت
أنا الألم اللي في قلبك، أنا قلم كتب نعيك أنا
أنا قلم على خدك، أنا اللي هنتك كسرتك أنا
أنا علم على أرضك، محتل فاكرني حررتك أنا
مهما تكبر أنا أصلك، أنا جذور شجرتك أنا
[اللازمة]
بحاول ومش بإيدي
أنا عارف إنك مش حقيقي
بشاور على بكرة ومش بيجي
يمكن تنساني وأكون أنا

[المقطع الثاني]
إتولدت في ضلمة فطلعت شمعة
ممكن أبقى نور وممكن أبقى ولعة
الدنيا إختبار وإحنا زي النار
هنور ولا هنحرق، إحنا اللي بنختار
أنا جوة مني فكرة عايزة تحبسني
الدنيا إدتني قلم غير الألم اللي في جسمي
مسكت بإيدي القلم غرزته جوة نفسي
رسمت بيه لوحة ومضيت تحتها إسمي
إسمع
غرزت جامد جوة نفسي بغرق
بحفر في اللاوعي بحاول أدرك
نفوخي شجرة عمرها ١٠٠ سنة
كل مدى بتتفرعن بقرب للسما
جذوري بتدفن بنسى مين أنا
بحاول أفتكر والذكريات مؤلمة
بخدر في الضمير، بسكن في النفوخ
جوة مني أسئلة كتير محاوطها الخوف
بحبك ولا دي كدبة عايشها من زمان
يمكن أناني بحب نفسي عشان إنتي الأمان
بشوف نفسي بعيني ولا بعيون الناس
يا ترى أنا كداب ولا صادق في الإحساس
مهدئات مسكنات بتشطب على الأسئلة
الدنيا هيروين والشخصية مدمنة
بحود شمال يمين عشان أهرب من التروما
بس كل الطرق بتأدي لروما
you might also like
[اللازمة]
بحاول ومش بإيدي
أنا عارف إنك مش حقيقي
بشاور على بكرة ومش بيجي
يمكن تنساني وأكون أنا
بحاول ومش بإيدي
أنا عارف إنك مش حقيقي
بشاور على بكرة ومش بيجي
يمكن تنساني وأكون أنا

- cairokee lyrics

Random Lyrics

HOT LYRICS