a b c d e f g h i j k l m n o p q r s t u v w x y z 0 1 2 3 4 5 6 7 8 9 #

cairokee - the last song | اخر اغنية lyrics

[المقطع الأول]
اسمع مني المفيد عاهات كتير وتقاليد
المجتمع اجتمع ضد التجديد
فكر الناس تعبان عيان ومريض
ابحث معايا دور ع المستفيد
المستفيد هو المتحكم فيك اللي ممشيك
جنب الحيط بيجيبك ويوديك سيطر عليك
حابسينك جوا نفوخك قضبان السجن خوفك
بتخاف تفكر بحرية لحد يشوفك
كلامي مش ضد النظام فقط كلامي ضد العبيد كمان
لو مية ألف نظام سقط هنفضل برضه في نفس المكان
في حاجات وتساؤلات وعادات بقت عاهات وتقاليد محتاجة تجديد والتاريخ عمال بيعيد
فيه حرب ضد الحرية والحرية ممنوعة
كل العقول الرجعية كلمتهم هي المسموعة
اتربينا علي ان الحيطان ليها ودان
طب انزل بالمزيكا سمعهم بالفم المليان

[اللازمة]
لو دي اخر اغنيه ليا
هفضل اغني عن الحريه
قولوا معايا بصوت عالي
حريه

[المقطع الثاني]
حريه يعني تغيير
يعني حريه في التفكير و التعبير
حريه يعني اختيارك مش اختيار الغير
صراع اجيال عالمكشوف
اصبح عيني عينك
عاوزينك تمشي علي خط سيرهم
مش خط سيرك
الكبير عاوز يعيش في الماضي وعالحاضر يسيطر
بيفكروني باعلان اسكنشايزر
مهما اتكلم صوتي مش مسموع
كلامي دايما بالنسبة لهم فارغ و ممنوع
سيبني أحلم حلم جديد و خارج عن المألوف
مش عاوز امشي في قطيع زي الخروف
بلدنا شابة يعني اغلبها من الشباب
قتلتوا فيه الولاء و قفلتوا في وشه الابواب
عندنا احلام كتير اديني فرصه أسوق
أنا كل هدفي أشوف بلادي فوق
الرقم سبعه ممكن يبقي تمانية
لو بصيت عليه م الناحية التانية

[اللازمة]
لو دي آخر أغنيه ليا
هفضل أغني عن الحرية
قولوا معايا بصوت عالي
حريه

[المقطع الثالث]
قال إيه بيقولوا عليا خايف
اركن ياض علي جنب و حط أحمر شفايف
عملت ثوره جوايه و لسه مستمرة
الحلم عايش معايا كلمتي لسه حرة
غنيت في كل العهود و كنت الصوت ساعة ما يحبوا الدنيا سكوت
الحريه يعني تضحية و اختبار وأنا قد المسئوليه وللآخر هكمل المشوار
أنا مش لوحدي أنا فكرة زي البزره هتدفنوها هتطرح بكرة
عمري ما هبيع أحلامنا و الشهيد اللي سبقنا
خدني علي سجنك خليني أشوف شبابنا
الرجاله بحق في السجون ساكنه

[اللازمة]
لو دي آخر اغنيه ليا
هفضل أغني عن الحرية
قولوا معايا بصوت عالي
حرية

- cairokee lyrics

Random Lyrics

HOT LYRICS