a b c d e f g h i j k l m n o p q r s t u v w x y z 0 1 2 3 4 5 6 7 8 9 #

collie herb - aues wird lyrics

milliarde möglechkeite mini seele hett die gwäut
e chume a uf dere wäut und schreie wiu mer öppis fäut
was vorhär isch xi, wohär i be verschwindet
i däm momänt wo mini auge s’erst mou blinzle
aues woni xeh do isch schön und es lüchtet
e ghöre tön – wo wärde – wörter bedüte
mis mami nimmt mi fescht a ihres härz und se wiegt mi
und aues woni gspüre do isch liebi
plötzlech do gohts schnäu – e lehre rede, lehre laufe
lehre z’froge doch mi papi är weiss aues
e erschaff mer mini eiget wäut i mire fantasie
be naiv – und zum letschte mou so nöch am paradies
se säge lege dä rucksack a denn hüt sig mi ersti schueutag
e wär liebe no chli duss mit mire schwöster doch e mues haut
lehre rächne – läse – gränne – kämpfe
fründschafte fürs s’läbe z’schliesse, beände
verliebe mi er ersts mou, es zwöits und denn es dritts
und jedes mou wenn’s z’änd goht nimmt das mim läbe do dr sinn
mache d’auge zue und be für aui wunder bling
doch denn gits die momänt, do gspüris i mir drin

das isch nume mini seel – irgendeinisch chunnt si hei
zrugg id ewigkeit
au wenn dr mönsch i mir – das jetzt vilech nonid weiss
aues wird widr zu eim
was enstoht das vergoht – aus wird widr zu gott
und fliesst widr därt äne wo’s här isch cho
e be nur e chlyni seel – irgeneinisch chumi hei
und aues wird aus widr zu eim

milliarde möglechkeite mini seele hett die gwäut
mittlerwile beni 20i und die zyt vorgoht so schnäu
e wähle mer e bruef – se säge e mach’s guet
e lächle und e nicke lehre jede tag drzue
entwickle mi charakter woni form, womi formt
go uf reise und es sprängt mi horizont
nimme ne morauvorstöuig a und es wähle so au mini wärt
nimme dankbar a was mi prägt uf mim wäg
mängisch verlüüri mi e chli, nach jedem schritt chunnt no ne schritt
und de seit mer aues nüt wiui mi dr autag e chli figgt
und e weiss es wird e grund gäh für genau dä ort und für die zyt
jedi heruseforderig

mängisch triffeni e seele wo chli änhlech schwingt wien eg
verschmöuze mit ire und se wird e teil vo mir
– und mängisch weni di vermiss
– – – – lisi auti sms vo dir
meistens isch’s e so dasis im momänt nid cha verstoh
– mängisch bruchts paar wuche, mängisch bruchts paar johr
die schlächti nachricht isch die: nüt blibt für immer
die gueti nachricht isch: nüt blibt für immer
und e be gspannt was das läbe no wird bringe
bis mini auge z’letscht mou blinzle
vilech träffe mer üs amne morge wartend ufe zug am gleis
und dini auge säge mer was mini seele scho lang weiss

das isch nume dini seel – irgendeinisch chunnt si hei
zrugg id ewigkeit
au wenn dr mönsch i dir – das jetzt vilech nonid weiss
aues wird widr zu eim
was enstoht das vergoht – aus wird widr zu gott
und fliesst widr därt äne wo’s här isch cho
du besch nur e chlyni seel – irgeneinisch chunsch du hei
und aues wird aus widr zu eim

- collie herb lyrics

Random Lyrics

HOT LYRICS