corsu mezu mezu - chi fà lyrics
rimore di legne tronche
è luce rossa di fornu
di mandili stretti in fronte
ùn aspittate ritornu
ogni petra neru fume
pianu pianu s’hè staccata
per fà piazza à un altru lume
nant’à a teghja addisperata
eiu chì mi sò scaldatu
qualchi volta à la so fiara
mi pare tantu peccatu
chì a rivecu ancu più chjara
chì fà, chì ci si pò fà ?
chì fà, chì ci si pò fà ?
ancu e nostre merie antiche
una à una si ne vanu
per d’altre case più riche
è di noi assai luntanu
ci spicchemu di l’antichi
i cacciemu di paese
nant’à a grata ùn ci hè più fichi
si campa à l’usu francese
eiu chì mi sò campatu
cù un pezzu di pane intintu
mi pare tantu peccatu
chì mi sentu u core strintu
chì fà, chì ci si pò fà ?
chì fà, chì ci si pò fà ?
inde tutta la cunfine
eri suminata à granu
oghje sò e cardelline
chì càntanu lu veranu
à u sole nantu à l’aghja
u tribbiu pare fermatu
è d’ùn esse à meza paglia
si sente cume spugliatu
eiu chì mi sò svegliatu
stamane cume un acellu
sè aghju troppu sunniatu
perdunerete un zitellu
chì fà, chì ci si pò fà ?
chì fà, chì ci si pò fà ?
Random Lyrics
- amag - happy belated lyrics
- kitty rae - living lyrics
- muteki - lloras sin derramar lágrima alguna lyrics
- batboner - flaccid lyrics
- leytink - твой глаза (your eyes) lyrics
- yangie - no cap 2 lyrics
- nada topčagić - zaklanjaš mi sunce lyrics
- smoketeam6 - my favorite celebrities lyrics
- pak.o. (08818) - lejos de nuestros sueños lyrics
- calinado - numb (cover) lyrics