da staummtisch - pervers lyrics
roleee solo
es is pervers, waunn ma bedenkt ois kinder worn ma nu draußn
heit brauch ma fernseher, internet und handy zum klingelton saugn
wir wern öta, brauchen kohle doch haum ideale
wer verkauft sei seele für firmenauto und mietgaragn
es p-ssiert, so wird noch osten expandiert
produktion wird optimiert, damit die kosten reduziert
wieder gschlossn waunns nix wird, kaunn scho moi p-ssiern
wir zappen durch kanäle, die wöd brennt, es is schiach
söba nimma sicha, wos ma eigentlich möcht
wird die verauntwortung greßer, daunn die zweifel erst recht
dem weiblichen geschlecht föht a gesetz und des recht
ois genauso schlecht zu mochn wie maunna – gleichgsetzt!
pervers, waunn ma länger ois lebenslaung in da hockn sitzt
ois pensionisten haumma koihn, oba kan biss
vergiss a leben voller zukunftsaungst und depressionen
woin ma wos verändern, brauchma olle generationen!
es is pervers – mants ihr des ernst? mants ihr des ernst?
es is pervers – des is doch a scherz!? des is a scherz!?
es is pervers und drum schreib ma den vers
und wer ‘s net glaubt, d-ss des pervers is, den nehma net ernst
wir hackin des doppite und verdienan die höftn
wissen uns nimma z’ höfn, oba kana gibt si die blößn
es is immer des söbe – liagn stingan zum hümmi
und wos die spotzn net vom doch pfeifn, singan die vögi
es is pervers waunn ma in klimawaundl stoppn woin
obwoi ma olle mitm auto in die hockn roin, ma hoit
si an herzpotschn bam grobn noch kotzngoid, ma hot
die nosn voi, doch waß net wos ma sogn soi
dauernd is die glotzn voi mit am krisenherd, es is pervers
d-ss du toge später davo nix mehr herst
grundnohrungsmittel werdn zu markenartikeln, wir verschwenden
wosser und saufn saftln, die uns die pappn vapickn
antifaschisten werden kapitalisten
hustlen im business oder hackln in schichten
wir san am oasch wie a tanga aun da copacabana
jo ma kaunns drahn wie ma wü so wie otto und anna
es is pervers – mants ihr des ernst? mants ihr des ernst?
es is pervers – des is doch a scherz!? des is a scherz!?
es is pervers und drum schreib ma den vers
und wer ‘s net glaubt, d-ss des pervers is, den nehma net ernst
es is pervers, wir hom an schirm wei ma ned noss wern woin
woanders gengan d’ leit an gaunzen tog zum wosser hoin
es is pervers i siag überoi nur heucheleien
zerst san uns menschen wos wert und daunn sperr ma s’ ins oitersheim
pervers, wir manan d-ss ma von da hocken obhängig san
doch wer frogt se wos de firmenchefs ohne uns dan
es is pervers, wei da westen und de christen
hom a ruhiges gwissen, richten über fundametalisten
pervers, wei de ormen mi-ssn ohne ende rackern
und de reichen lossen d’ kohle für sich hackeln
pervers, wir san heit nu in da opferroin – da h-lle wahnsinn
jeder zweite ösi is pervers oder a kellern-z-
i denk aun apple und red bull, des is doch heit modern
es is pervers, wir san scho fan von am konzern – zum rean!
es is unglaublich und surreal jetzt ehrlich
es is scho traurig, wei heit olles so pervers is
Random Lyrics
- feu! chatterton - je ne te vois plus lyrics
- the digi destined - clouds sayin' [la la] lyrics
- josiah williams - more and more lyrics
- anna oxa - apri gli occhi lyrics
- bls a.k.a rigor mortis & dash shamash - la muerte de todos mis sueños lyrics
- mke marc - no hook lyrics
- slogan - το δείπνο (to dipno) lyrics
- bridge to grace - no lies lyrics
- berdan - early morning (intro) lyrics
- sampaguita - sayawan lyrics