a b c d e f g h i j k l m n o p q r s t u v w x y z 0 1 2 3 4 5 6 7 8 9 #

dam - i`m not a traitor - أنا مش خاين lyrics

انا مش خاين
دام تستضيف ساز وحسن أمسي

ساز:
انا من النقب انا من يافا
من عين حوض انا من عكا
من الجواريش انا من الناصره
انا من الرمله

محمود جريري

اخ شو بلانا بهل هويه سجل سجل

‎سجل أنا من العرب اللي عندهم تساؤلات
‎أنا من العرب اللي عندهم تخبطات
‎برأس الصفحة الأولى, جمله
‎العروبة مش رخصه, وانتو مش بياعين ألسلعه
‎عرب إسرائيل؟ كيف وصلتو للتحليل
‎اسرائيل روجت جملة وانتو عملتو تطبيع
‎لتوضيح السخرية, لو ناسبت
‎السوريين أو لمصريين لفرنسا أو للبريطانية
‎بتوخدوها كمجامله ولا كأهانه
‎نسبتونا للمستعمرين, للمحتلين
‎أحنا طالبين بتحسين ألمعاملة
‎تندوناش بأسامي ماخترنهاش, أبدو في
‎مساهمه في تصحيح في تفهيم القضية
‎عنا عارفين مين إحنا والطريق مش
‎منسيه بس عندكم قابلت صبيه
( هي فلسطين لسا محتله؟!) سألتني بجدية

سهيل نفار لازمه 1

فش مي بكل حارتي (انا مش خاين)
طلاب اكثر من كراسي (انا مش خاين)
حجر قدسي بكل داري (انا مش خاين)
(انا مش خاين انا مش خاين)
بالشغل طلبو اغير اسم (انا مش خاين)
بزور صحابي بالسجن (انا مش خاين)
تزور عائلتي بدي أذن (انا مش خاين
(انا مش خاين انا مش خاين)

تامر النفار

سجّل, أنا شايل بطاقة زرقاء
سجّل, أنا شايف لون بطاقة شفاف
سجّل, بأول صفحة, أوّل جملة
أذا العودة جسد مشلول أحنا أوّل خطوة
سجّل, بنشرب حليب بالدكان بنطلب “حالاف”
سجّل, العربي لغة الأم, العبري لغة صراع
سجّل, بتعايش؟! سجل, ورود سلام؟ّ!
العدو معتبرنا شوك مغروس بالأقدام
سجّل, أحنا بننسجن بنموت من أطلاق النار
أنتو اخواني ما تقاطعونيش
هو بهوّد وأحنا نعرّب بأسماء الشوارع
لما تزوروني ما تتوهوش بالطريق
رغم الحصار الثقافي ال-ضاد تترعرع علسانّا
يقولولنا أنتو مع السلام نقول أحنا مع مع السلامة
ليش لما أتقدم لستار أكاديمي برفضو ؟
كنت لازم أحكي بلغتهم “بونسواه ميرسي بوكو”

محمود جريري لازمه 2

عم بتعلم عالدربكه (انا مش خاين)
بنفس الغرفه عشنا سبعه (انا مش خاين)
جدي مات لابس حطه (انا مش خاين
(انا مش خاين انا مش خاين)
بكيت لما الناصر مات (انا مش خاين)
إبني لفظ حرف الضاد (انا مش خاين)
إحنا بندبك بالأفراح (انا مش خاين
(انا مش خاين انا مش خاين)

سهيل النفار

عشت حياتك مش حياتي ما دقت من
اهاطي ولا من ألامي حكمتني وعرفت ذاتي
إذا بحطك يوم واحد في محلي
شعارك راح يصير لا انا مش تارك بيتي
بغصن متمسكين مش تاركين
لأولادنا مورثين أسم فلسطين
لا تتجرأ لا تحكمني على ضعفي
بل تعمق كيف بطلع منها قوتي
عشت حياتك مش حياتي ما دقت من
آهاتي ولا من ألامي حكمتني وعرفت ذاتي
إلي بتجندلهم جزء صغير منا
وأول ما بتجند أكيد ببطل منا
هاي وقائع لما تحكم العنصريه
في شريحه من الضعف بترضى بدور ضحيه
فأنت احكمنا حسب الفنانين السجناء
الكاتبين الشهداء حسب هاد الأداء

تامر النفار لازمه 3

زيد عالزعتر شوية زيت (انا مش خاين)
البوليس لزني عالحيط (انا مش خاين)
تاسع ولد بعد الصيف (انا مش خاين
(انا مش خاين انا مش خاين)
انا اسمي بالعربي (انا مش خاين)
بنو شارع بنص أرضي (انا مش خاين)
مين انت تتحكمني (انا مش خاين
(انا مش خاين انا مش خاين)

(ساز وحسن أمسي)

( انا من النقب انا من يافا من عين حوض انا من
عكا من الجواريش انا من الناصره انا من حيفا من
دار الحانون انا من الطيره انا من دهمش انا من الحليصه
انا من شنير من ام الفحم من بئر السبع انا من سخنين من
جسر الزرقا من مجد الكروم انا من المحطه انا ما اقرث
انا لسا هونا انا من الرمله من صفوريه انا من البروه
انا من رهط انا من برعم انا من العجمي انا لسه هونا
انا من اللد)

- dam lyrics

Random Lyrics

HOT LYRICS