dam - tree of life feat rami gb - شجرة الحياة مع رامي جي بي lyrics
شجرة الحياة
رامي جي بي يستضيف محمود جريري
(محمود جريري)
جميل الشعور في زرع البذور
على ايدي لبصه وبعيني فضول
كيف حتكون هل شجره
امتى حتزهر امتى حتشرف باول ثمره
ركبتي عل ارض محطوطه ايدي مشبوكه
في قلبي امنيات الك مبعوته
يا ريت حياتك تكون من غير معوقات
من غير عذاب المنشار وقهر الجرافات
يا ريت تلاقي ناس تستحق ظلك
يا ريت تلاقي ناس تستحق حملك
وتشوفي دوران الحياة مستمر حولك
وهوس انتقام الغرباء بعيد عنك
بتمنى لك حياه سعيده وما تقابلي حريقه
وتذكري آلامل الي بعتي لسفينه ونت غريقه
وبتمنى ما اصفيش في مستثفى المجانيين
الحكي مع شجر بينفعش بقرن ال واحد وعشرين
(اللازمة – سليمان الزواهرة)
سألوني عالحال .. قلتلتهم تمام ..
نعمة رحمن .. أنا زارع .. أنا زارع..
قالولي البرد .. ممكن يقتل الورد ..
قلتلهم خليه .. أنا زارع .. انا زارع ..
(- رامي جي بي)
رح أتعلم أزرع بس تا أزرعك حبة بإيدي
تصيري شجرة أطول مني رح أقلع عيونو
اللي بحاول بقلعك أسف من هس بخوفك من مستقبلك
بس يا بذرة الحياة إكبري شجرة
إكبري خضرة أقطف منك ثمرة
لا بدي شهرة ولا ثروة ..
بدي بس تفييني في لما أكبر بكرة
أنام عجدعك ألاقيلي ظهر فهالدنيا
أقعد حدك أفكر بمبارح
اللي هس هو بكرا يا نيالك لما حتكبري
حتقوي تا تثمري مش مثل البشر لما بنكبر عغيرنا بنفتري
سيبيكي مني ونامي صاحية بين التراب
وإذا جدروك وصلو وقدرو يهدو هالجدار
أبوس ترابك أنا حتى لو هاد ما صار
إنتي أنا وأنا فيكي رح أعيش ألف حياة
(المقطع الثالث – احمد سرور) شجرتي .. بدي أحكيلك سر غبي .. انا خايف أموت … مع إني عارف إنو الكل رح يموت حتى لو مش بس أنا بس بعدني خايف.. عم بحاول أقنع حالي إنو الحياة حلوة إنو إلها هدف إنو في فكرة أعظم لوجودي إنو في سر خطير في الكون إنو الحب حلو إنو اللعب بضحك إنو حلو تتنفس تركض تضحك تبكي تنام تحلم.. بس مش عم بقنع حالي ما انا لما كنت ولد إجا علي أبوي وقلي يابا لما تكبر شو بدك تصير؟ قلتلو يابا أنا لما أكبر بدي أصير شجرة فأبوي ضحك وقلي … شجرة؟ قلتلو أه قلتلو يابا الشجرة كبيرة حنونة صامدة وواقفة قلتلو يابا الشجرة وطن.. انا نفسي أصير وطن يابا وحياة إمي نفسي أصير وطن بدي أصير وطن زي الشجرة يابا .. أنا لي ما إنخلقت شجرة؟
Random Lyrics
- florent pagny - donde va la vida lyrics
- stickboy - pirouette lyrics
- venomen - platinum lyrics
- cousin boneless - glimpse lyrics
- hoth - the rancor lyrics
- weezer - should i stay or should i go (the clash cover) lyrics
- barry taurus - race lyrics
- paid in amerikkka - d.g.t.g.p. lyrics
- tash sultana - pink moon lyrics
- n-wise allah - calm down free lyrics