a b c d e f g h i j k l m n o p q r s t u v w x y z 0 1 2 3 4 5 6 7 8 9 #

dashing - leeeeh lyrics

Loading...

كل يوم بفكر بسال نفسي نفس السؤال

هي ليه حياة المصري بتتوقف علي

منصب و جاه

الكرسي بقا جوهرة و عشانه الكل شهيد

هيروح فداه

حياته عاملة زي الطير بس جريح من غير جناح

الدنيا خلتنا نقتل بعض عشان اختلاف الافكار

دا مؤيد دا معارض دا عميل دول ثوار

بنتفرق بتصنفنا لبعض باغبي المصطلحات

زي منكون داخلين مسابقة خط نهايتها هو الدمار

بقينا فلعبة والي بيلعب فيها شوية مغفلين

قوانينها الي يموت اكتر هيبقي هما الكسبانين

موت واقتل فينا عادي منتا بتقتل مصريين

دمهم رخيص عشان حاكمهم كان ضعيف

بقينا عادي نسمع ان في كام واحد مات

حياة المصري كانت غالية بس رخصت بالسكات

مش بنفكر فاهل الي مات زي مابنحمي القيادات

بيعوضوهم بالافات ها عار عليكي حكومات

ليه بنشوف المصري بيموت المصري

ليه حياتنا رخصت دم المصري بقا حصري

ليه بنخاف علي بلدنا لما تفكرنا بقا رجعي

ليه الغاية اتغيرت حماية حكمي هو شرفي

بعد اي مظاهرة افتح اتفرج علي التلفيزيون

هتلاقي الاعلاميين و المحللين بين الف لون و لون

و كل لون عندو مصلحته طبعا هي الي فوق

وحياة المصري فدا المصلحة ديما بتقوم بالدور

قيادات همها السلطة حياة المصري عندها خردة

فلو جت فرصة ضحي بيها عمرها ما كانت فارقة

مهي لو كانت فارقة مكناش ابدا هنخاف على عيلنا

بس عيلنا تروح هادر عشان مصلحة الدولة

لا مش لمصلحة الدولة دي لمصلحة خونة

فكرهم استولى علي عقول عيالنا

فهموهم ان الي يموت فدا هدفنا هو الابقى

ومهما عدا لازم يستنى مكسبنا عشان فالاخرة ان شاء الله يبفى مسواه الجنة

بس دي مش طريقة ابدا ولا دا حتى اسلوب

انك تحرم ام من ابنها عشان يبقى عندك نفوذ

انك تكسر لابن ضهرة عشان ابوه مدفون

انك تفصل بين زوجين تبقى من العقل مسلوب

ليه بنشوف المصري بيموت المصري

ليه حياتنا رخصت دم المصري بقا حصري

ليه بنخاف علي بلدنا لما تفكرنا بقا رجعي

ليه الغاية اتغيرت حماية حكمي هو شرفي

فالاخر الحل ايه الموت بقي عادة ولا ايه

تنزيل الشارع عادي بس مش ضامن ترجع على رجليك

تشوف ابنك النهاردة بكرة متلمسوش بايديك

تروح تحمي بلدك ييجي ولاد بلدك يغدرو بيك

بس دول مش ولاد بلد دول ناس فكرها نفد

نفيهم الي الابد هيبقى سبب في تقدم البلد

ليهم هدف بيسعو اليه هيوصلوله مهما حصل

باي طريقة باي وسيلة مهما كانت صح او غلط

ارمي ابن فالكفن اهدم بلد بالعفن هنوصل هنوصل لحلمنا

مهما كان التمن

ده شعار كل الي كان سبب في موت انسان من غير سبب

والشماته فدمه كمان يا للعجب

ناس كتير مش بتحس بجد بالناس الي بتموت

عشان مفكرش انه ممكن يكون فيوم ابنه او اخوه

عمر فاني و دنيا فانية وبيقتله فبعض عشانها

شكلكو كده مسمعتوش عن يوم اسمه الاخرة

ليه بنشوف المصري بيموت المصري

ليه حياتنا رخصت دم المصري بقا حصري

ليه بنخاف علي بلدنا لما تفكرنا بقا رجعي

ليه الغاية اتغيرت حماية حكمي هو شرفي

- dashing lyrics

Random Lyrics

HOT LYRICS

Loading...