dev09 - msh ha'ollek haga lyrics
مش هقولك حاجة إمشي عادي
مش همسك فيكي .. ولا هنادي
مهما تنادي أنا مش هسمع
مش هحلم بيكي م الليلادي
في يوم سألتي مين اللي جالي!
دول شياطيني بس أنا عاصم
عنك سحري مانع أفعالي
مسحت إسمك من الطلاسم
أنا مش غلط ولا حتى أنتي
مش هاخد حاجة مهما قدمتي
قلتلك تعالي بس فضلتي
قلتلك أنا ماسك أنت اللي سبتي
ديف مبيعرفش يسامح
فاكرك! لأ أنا بنسى إمبارح
ممكن تغرقي جوة دماغي
دنيتي في شبه للمسابح
أنت عملتي الصح …
ما أنتي كنتي مراية عمايلي
غرقتني في بحر …
قلبك زي طفاية سجايري
ممكن أقولك ايه مثلا ! إني بحب نفسي زيادة
ممكن تفهمي نص كلامي أو متفهمينيش كالعادة
مهما سكرت بملل الأوضة فا دماغي مش هتستسلم
وأسكر ، وأفوق .. الإنعزال الحل الأسلم
مش هقولك حاجة x4
مش هبقى إجتماعي أنا منطوي
كاره نفسي .. حابك أوي
مش هتألم بضحك في وشك
بكدب كتير ، ألمي معنوي
إمشي من وشي سكتك غير سكتي
مهما أتكلم أنتي تسكتي
مش هاجي بمزاجك أنا مش أستك
مبسوط بأوضتي ومخدتي
محفظتي فاضية قلبي مليان
بصيت لشفايفك سبت السنان
برضه بتيجي عني تسألي
مين هيسيب قلب مجان!
متقولش عاش! أنا مش فنان
أنا بسرد بس كلام دماغي
دي عجبتني ، دي بهرتني
بس تعالوا أنتوا أنا مش هاجي
محدش جاي ها مين هيدفع تيكيت دخول لأوضة ضلمة
ومهما كان جوايا بركان مش ناطق قدامكوا بكلمة
كنت بقفش لما تقولي أنت دايما ليه بتنساني
أنا بنسى نفسي أصلا ولو نسيتيني هقفش تاني
لسه عند وعدي بعندي برضه هفضل زي ما أنا
لو جيتي لحد عندي هرفض أبقى غيري أنا
مهما احتجتك جنبي هقول برضه إني مش محتاجك
وفري كل الكلام لأني .. مش هقولك حاجة
Random Lyrics
- jb scofield - slip n' slide lyrics
- mina - racconto (c'est comme l'arc en ciel) lyrics
- sungjong - 고백 (love song) lyrics
- niro - mon reflet lyrics
- criminally insane - love is a bitch lyrics
- apple sweet apple - the hell i thought i heard lyrics
- galimatias - south lyrics
- dick curless - snap your fingers lyrics
- das pop - never get enough (goose version) lyrics
- xangang - beasts lyrics