dezmond dez – metropolis lyrics
[intro]
c’est l’histoire d’une société qui tombe
et qui [?] mesure de ça chute se répète sans cesse pour se r-ssurer
jusqu’ici tout va bien
jusqu’ici tout va bien
jusqu’ici tout va bien
l’important c’est pas la chute
c’est l’atterissage
[hook]
gheien usem füfzigschte stock, doch no bini i der luft
bis hie isch aues guet
si hei gseit was wichtig sig, sig der ufprau, u nid der sturz
bis hie isch aues guet
[verse 1]
i ha gester aafah läbe
di rägepeitschte gebäude si so höch wi mis oug gseht
d’chrützritter vo der nöizyt plane ihri roubzüg
schribe 10-punkt-programm wi me toub wird
zwüsche bmws u bmis vergliche
bim erste date isch zäme rede auti schueu wi cherzezieh
jede wett hau uf sire stimm ha drum redt men in metropolis numen über sichtbars
heisenberg blaui lüchtschrift bestimme d’sichtm-ss
finanzielli gwichtskl-ss wichtiger aus gschichtskl-ss
üsi kunst hangt i banke wo si nackt isch
e [?] kante het di gschliffe bises glatt isch
6 prozänt körperfett wed nackt bisch
isch aues wo de bruchsch d-ss de glücklech i der stadt bisch
12-stunde-tag isch nid würklech schlimm
kennsch romeo und julia vo de gebrüeder grimm?
[chorus]
der wärter seit är git der stärn mir sige frei
ihri jünger i söu zrügg i sig hie nid dehei
der flyer vo der party seit blib nid elei
i würd gärn mit ihre rede doch weiss nid wies geit
viu schaffe, es git z’tüeh
metropolis
viu lache, weni gfüeu
metropolis
viu anne, es sich chüeu
metropolis
i hoffe s’geit gli unger doch s’isch zfrüeh
metropolis
[verse 2]
im weste nüt nöis, schouspiler im ne glücksp-rn
jede wett es stück morn, schüttet pünkt ids füuhorn
müglechkeitsbedrängt so d-ss d’würklechkeit nid längt
metropolis, frigidi tröim, me cha ne nid ad wösch ga
läbenslouf mit blauer tinte gschribe ohni löschblatt
d’häng vou mit nüt, d’wäng vou mit schuum
abfau für aui exkremänt vom konsum
dir weit e liebi ohni dach doch wes rägnet wird me n-ss
[chorus]
der wärter seit är git der stärn mir sige frei
ihri jünger i söu zrügg i sig hie nid dehei
der flyer vo der party seit blib nid elei
i würd gärn mit ihre rede doch weiss nid wies geit
viu schaffe, es git z’tüeh
metropolis
viu lache, weni gfüeu
metropolis
viu anne, es sich chüeu
metropolis
i hoffe s’geit gli unger doch s’isch zfrüeh
metropolis
[verse 3]
hoffen uf ne zautag, robinson im autag
ei berüehrig u mir gheie dominos im asphaut
ke zyt me fürnes dankeschön, ke platz me für gedankespiu
wo nächsteliebi lige blibt im schatte vo de banketürm
zahle kenne ke erbarme
fauschirme für di riiche, fautüüre für di arme
fiire üsi mörder, optimiere üsi körper
wäre gärn niemer doch si zwingen üs zum öbber
ke ort meh ohni kameras
gfroreni zyt
d’hashtags esperanto für verloreni ching
isch [?] reau bisch du geboren aus biud
der prothesegott het gseit d-ss mer hinke
metropolis wird sinke we mer wider säuber dänke
und d’macht sich nüm länger i der nacht cha verstecke
chunnt d’fluet chasch de wäue nid ä sattu ufsetze
metropolis wird sinken am ne schöne tag
[hook]
gheien usem füfzigschte stock, doch no bini i der luft
bis hie isch aues guet
si hei gseit was wichtig sig, sig der ufprau, u nid der sturz
bis hie isch aues guet
Random Lyrics
- chrom – so high (new lyrics) lyrics
- waega – wdym lyrics
- ssologod – stockholm lyrics
- chrom – regret & testify (new lyrics) lyrics
- scaglia – sulla luna! lyrics
- wolf – love myself lyrics
- adyah, audiobrothel – take me high lyrics
- nomad – did that lyrics
- brightener – back on track lyrics
- daytona saint-godfrey – lucky lyrics