a b c d e f g h i j k l m n o p q r s t u v w x y z 0 1 2 3 4 5 6 7 8 9 #

dicht & ergreifend - fensdabuzza lyrics

[songtext “fensdabuzza”]

[chorus]
i bi a fensdabuzza
de frische lufd duad ma guad
i bi a fensdabuzza
und i schau eich beim arbeid’n zua

[verse]
a vasicharungsdandler kling’ld an da dia
um siemme in da friah
bei ahm sandla wia mia
simma-hoib hoibe und i bi imma no miad
quante fant i wenn a wieda gangad
der kavalier

verkatert lebensvasicharungen obschli-ssn is’ meistens bleed
doch eah sogd eah gehd eascht wieda wenn i undazeichned hed
doch mein schlof hob i mia redlich vadient
na signier i hoid sein wisch, aba leg mi wieda hi

am neggsd’n dog steh i do mi’m vadrog
und frog mi wos hob i do grod fia a g’lump untaschriem
mi driffd da schlog wei’ mi da kodda im sogg mi jed’s monahd bis ins grob auf an hundata kimmt

sowas mu-ss i mia ned biet’n l-ss’n
d’rum suach i dem ruach sei visiddnkatt’n
ruf eahm paus’nlos oh
doch eah is auf und davo’
legd auf oda gehd vo’ haus aus ned droh

doch bevor i jedz’ dahoam vor lauta larmoyanz versauer’
schluaf i einfach schnuastraggs zum allianz-tower
i hed gmoand noch oin, zwoa stund’n woat’n loat’ns mi vorbei
oba da dort’n loss’n’s di ohna termin an da pfoat’n scho ned nei

i muss mi schnei von dera last befrei’n
brauch a neia plan und dea mu-ss astrein sein
d’rum loss i’s einfach sei
und mach an abseilschein
und wer’ von auß’n ins büro von dem [?] ei’steig’n

i bi a ois fensdabuzza tarnda, vaplanta scha’latan
hob schiss so weid herom und mei da’m mochd ala’m
wei de hehgn me so high mochd wia an maulwuaf a erdbong
trotzdem ziag i’s duach, dea himbeer-toni konn mi gern hom

ersta anlauf, zwoide hoibe, dritta stohg
auf dem g’rüst herom
fongan meine knia zum züttan oh
i hangel an da wand entlang
im zehnt’n stohg is’ fensta off’
des mu-ss dea al capone sei
i glaub di stimm’ de kenn i doch

i drau kaum meine oahn und meine aug’n oba
dea typ vakauft na g’rad am oid’n frau g’rad an bausparer
konn ma no grausama auflabban?
auf den schogg mu-ss i mia glei moi a paulaner aufmacha
langsam stimmd da pegel und i bin nimma so zitt’rig
fühl mi fehl am plotz oba wo-ss da bin i richtig

dastunga is no koana doch dafror’n san scho einige
bevoa eah’s fensta wieda zuamachd mu-ss i do eini geh
es is’ soweit, koana meh’ im office
und i bi heilfroh d-ss ‘as fensta ollawei no off’ is’
i hoff’, es siegt mi koana wia i ei’steig
doch des g’raffe’ vo’ dem kreizdeife ko ned weid sei
i wühl in seim zeig und find den wisch auf seim disch
und auf oamoi stehd a do und bleahd “di wenn i dawisch!”

ich hechtel mi auf’s g’rüst und eah luahd hinda da dia fiara
und i foid aus dem vadrog an papierfliega
endlich bin i frei von da vasicharungslastschrift
fühl mi wia da wia da king, “mr boombastic”

i bin am aufleb’n weil i mi nimma aufreg’n brauch
moch an lufdsprung doch rutsch’ in am taub’mdregg aus
z’samm buddzhoddan, kiabe und wossa
zwiabed’s me oba und unten duad’s an riesig’n batscha

meine lichta geng’n ganz langsam aus
und dea papierfliega land’t auf mei’m bauch
dea typ kimmd auf mi zua und dengt sofort “jetz’ vernicht i
bevoa i doch no zoih’n mu-ss den corpus delicti.”

dea ganze abriss war geplant aba kei absicht
macht nix, zum glück hab i a haftpflicht
und i hob den ironischen verdacht
so a lehmsvasicharung is a todsichare sach’

[chorus]
i bi a fensdabuzza
de frische lufd duad ma guad
i bi a fensdabuzza
und i schau eich beim arbeid’n zua

[verse]
hey, hey, schwing in lufdiga heih
wisch hi und do a schei’m
schau wos de leid so d’reim
an iahm schreibdisch
zwisch’n nos’nboahn und reibereien

doch normal kriag i scho höh’nangst ab 6 meter 90
und da vierzigste stohgg is hoid so echd ned so mein’s
die hehgn do herom is wiaklich schwindelerregend
desweg’n hob i mein oasch mit ana windel veredelt

in da regel wisch i d’schei’m vo’ da chef-etage
di hom heid wos zum feian, es gibd sekt en m-sse
sie dringan auf an richta und iahn freispruch
aus ihra g’sichta spricht da deife, freille g’heratn’s olle ei’bucht

wuaschtfabrikanten hom mei schwesta auf’m g’wiss’n
sie hod ois von dene g’fress’n bis zum letzt’n biss’n
a grad doat, wo ma normalaweis’ sei notdurft varricht
is’ mei gloane schwesta dann an eina boggwuascht dastiggt
da herrgott hob se selig, de oame seel’
schwestaherz, dua de moi ned obe, heid is judgment day

da gerichtsmedizina, mit wiena dialekt
sogt in dem wiaschdl woa moi a wieda karabina vasteggd
die beweislage klar, aba da richta wa’ g’schmiert
und so hamma valorn, wei da hamma ned liagt
oiso hob i recherchiat, diverse quell’n, de zeitung
und find im lokalteil a stell’nausschreibung
genau des richtige fia mi ois oid’n nestbeschmutzer
sie suachan ab dem 1. mai an fensdabuzza

so hob i mi bewor’m, meine hoa’ de hob i g’schor’n
wia da snoop doggy drog’ i di boathoa nu no voan
i kriag an a’beidsvadrog von am vablödeten schnösel
ohne haken und ösen in der höhle des löwen
nach am langa g’richtverfah’n mach i kuaz’n prozess
da prager fenstersturz woa nix, jetz’ wer’n de buaschan zafetzt
i glopf an de schei’m so ois mechad i gratulian
“wos i wui?” i sog “a wengal a exempel statuieren.”

i geb am chef mei hend mid ana handgranat’n drin
und bis a de akennt zieg i a sanft an splint
schweissgebadet is’ koa ausdruck, des san ganze bäder
weil er wo-ss, wenn’s eahm jetzt obifoit, da sauba schebat
i sog “maul auf, du meineidiga spitz’nvadiena!
dei beleid konnsd da spoan, du frisst jetzt auf da stei a kist’n wiena
knacka und boggwiaschd.” dea wiad d-cka und d-cka
seine knepf’ fliag’n davo’ und eah zittat
de splittagranat’n foid zu bo’n ohne detonation
er reissd de aug’n auf ois a g’spannt se war nua dekoration

i siag genau wia a se frogt “in weicham krimi bin i?”
auf oamoi z’reisst’s na in vierzehntausend mini-winnis
duach de wucht fliag i z’ruck
druggabfall in meina hos’n
auf hoiba stregg verheng’ i mi mid da nos’n an am nog’l
schnauf nu moi ei, schnauf nu moi aus
da nas’nflügel reisst und dann schlag i unt’n auf
auf des doch von am himme’blauen lamborghini veneno
und di mini-winni-breckal fui’n si irgendwie wie reg’n oh
mei hirn vadeilt si langsam auf da windschutzschei’m
da schei’mwischa setzt ei, i glaub i bin so weit
wenn ma woaß fia wos ma stiabt kann’s durchaus sei d-ss dia des guad duad
die rache des kleinen mannes schmeggd nach bluadwuaschd

und so steh’ i voa meina schwesta mid am grinsen
ois da erste märtyrer/mehrtürer mid na foig’schiss’na windel

[chorus]
i bi a fensdabuzza
de frische lufd duad ma guad
i bi a fensdabuzza
und i schau eich beim arbeid’n zua

i bi a fensdabuzza
de frische lufd duad ma guad
i bi a fensdabuzza
und i schau eich beim arbeid’n zua

- dicht ergreifend lyrics

Random Lyrics

HOT LYRICS