a b c d e f g h i j k l m n o p q r s t u v w x y z 0 1 2 3 4 5 6 7 8 9 #

double kanon - nhir lyrics

[دخلة]
لطفي، وهاب صحيبي
معايا زينو ، أنا نحير ، واش قاعد يصير

[اللازمة : زينو]
عاذيك أنا نحير كيما نشوف واش قاعد يصير
عاذيك أنا نحير كيما نشوف واش قاعد يصير

[المقطع الأول : لطفي]
مانيش رومونتيك كيما مايكل فونتون
مانيش أوبسيدي كيما بيل كلينتون
و ما نغنيش عالحب خاطاك الحُب يدير الحَب
و يجيح العبد سيرتو كي يجي نهار الحد
!آ لطيف لطيف، عالجنس اللطيف
ملي عادوا في التيلي يحكيو علي بريزيرفاتيف
ولاو لولاد الصغار ما يلعبوش بالتيربولات
لي والا روميو لي والا يفركت عـ جولييت
و محمود ياسين في رمضان إمام
كي يجينا لفطار مد يدو بايس شيريهان
خاطاك عمبالي في صغرها سوفرات
كيما عبد الحليم كان يعوم في الزيقاوات
(إني أغرق (بععع) إني أغرق (بععع
grand bleu كون كمل كيما كا كان يتورني في
مع امزو امزو و صحيبو جاك مايوور
أرواح أ صحيبي نقولك شكون لي غنات في لا كوبول
ماجدة الرومي جات لدزاير باه تاكل
عطاوها الملايم وزوج قنادر كراكو
حتى وردة الجزايرية تنحات
وجابوا في بلاصتها حاحي حاحي يا حياتي

[اللازمة : زينو]
عاذيك أنا نحير كيما نشوف واش قاعد يصير
عاذيك أنا نحير كيما نشوف واش قاعد يصير
عاذيك أنا نحير كيما نشوف واش قاعد يصير
عاذيك أنا نحير كيما نشوف واش قاعد يصير

[المقطع الثاني : لطفي – وهاب]
باش نحكي عالدراري نقول الحاجة ديا
و علاه بحدا الليسي معمرة غير بالكاحالجية
أوو ـ أوو أرواحي يا علجية
اني لابس بالاديوم تاع مليون في رجليا
في وذنو منقاشة باه يبان باد بوي
راسو ولى مزيت، كمل شعرو بالمونوي
يشطح في لي بوم كيما القروب تاع بايزون
سروالو كيما يدور كيما لا كوش تاع لوزون
لي يخرج معاها شرالها الكوكا كولا
مسكين ناقص حنان، رضع من البيبرونا
نزيد نحير واش بيها الطفلة ذي؟
وتخرج مع واحد يشابه لفريدي
واحد زوج ثلاثة ربعة خاطاك عندو كات.كات
تشوفو جايح كيما القط و عندو كور تاع ايركات
ملي داروا البارابول مسكين شرا قيتارة
شعرو ولى طويل ولبس السراول تاع البارا
زدم في لامود تاع الهاردروك و دار حالة
مع صحابو كي يتهول تقول عيساوى تاع برحالة
جيت سيدي من ساقية سيدي دريسي
باش تفكرلي السيدي تاع ميتاليكا و ا.سي.دي.سي

[المقطع الثالث : لطفي]
والبنات تاع بلادي خير من شارون ستون
كلش فيهم ناتوريل، مش معمرين بالسليكون
لكان نغني عليهم خطاك أنا نشتيهم
لولاد لي لهنا الكل ما يعيشوش بلا بيهم
و لكان علبسة تاع لبنات ما دابينا
ما عليش كلش يبان خلي نشلو عينينا
كي نشوفها في الليلة، كي تمشي و تميلا
سيرتو كي تبدا تزعبل تشطح كيما روجي ميلا
ونحب الوز سيرتو تاه تيزي وز
الزي الأمازيغي ملي شفتو قلبي حبس
وتعجبني تاع سوق اهراس كي تجيني بالغنجاية
الزين كيما الزيت ما تلقاه غير في بجاية
ونكره القاورية لي تكره لالجيري
هاديكا حاطة روحها جامي جاتها لادياري
ونحب الوهرانية واه واه لا كلاس
ونموت على لالجيرزواز بالفراز والفرومبواز
ولا تحب بنت حلال، انشوفها يجيك لهبال
روح لقسنطينة بنت قنطرة لحبال
ولكان تاع الشرق ما عمرولكش بالك
أمشي طول للصحراء وجيب وحدة من التوارق
مربية بالدين وحافظة ستين آية
وسور ما تندمش كون تداها من غرداية
تتهنى من الصوف ، ما تعيا تايا تسوق
سيرتو لا جات صوفية تزيد ادخلك للسوق

[اللازمة : زينو]
عاذيك أنا نحير كيما نشوف واش قاعد يصير
عاذيك أنا نحير كيما نشوف واش قاعد يصير
عاذيك أنا نحير كيما نشوف واش قاعد يصير
عاذيك أنا نحيـــــــر

- double kanon lyrics

Random Lyrics

HOT LYRICS