el joker الجوكر - donia l دنيا lyrics
وحشته .. الدوامة اللي ياما بلعته
صبتله كاسين فنسيها .. صبت تاني عشان نسيته
متعرفناش .. فقالت دنيا .. قال عاشت الأسامي
جم البار في حضن بعض ، وطلعوا في حضن بعض تاني
جيت م المستقبل عشان انقذك .. بدل ما دنيا عليك ما تميل
قولتلها انا هو لما يكبر ، وبقولك ده عيل
للفشل ماشي ، ومـ الفشل للكسل ماشي غاطس
مش عايز مني قرص ملكش عندي عسل خالص
اتفقنا؟ بنراهن على نفسنا لما بنخسر مبدأنا
بنحضر فينا الجن ، ونقرا الآية اللي بتحرقنا
أكتر حاجة عملنا حسابها الوقت اللي بيسرقنا
رغبتنا في كوننا سوقنا خوف لـ نكون اتساقنا
خايف يطلع اللي شيلته مش أتقلك
حتى لو هتقولي لأ مش هسألك
تلات تربع حروفنا مش في مستقبلك
محدش مـ العساكر دي بيترقى ملك
سيبها .. مش دايمة .. خليك انت قاعد .. هي اللي قايمة
مكنتش جيت من بكرة لو المراكب كانت عايمة
مش زايمة! لا مش بتحلم .. هي اللي نايمة
هتصحى ، وهتقلب عليك الطرابيزة زي ما بتعمل دايما
بتكابر ، وعندي ، وراسك بتسيب على سور الفرص علامات
صباعك يتحرك .. يقولوا بـ الهمس: مش كان المفروض إنه مات!
انت بذرة الصوت اللي رافض أنحني .. مهما الدنيا تهدني
وانا لو عارف أتجاهل الصوت آجي أحاول ليه إني أمنعه يتبني؟
خايف يطلع اللي شيلته مش أتقلك
حتى لو هتقولي لأ مش هسألك
تلات تربع حروفنا مش في مستقبلك
محدش مـ العساكر دي بيترقى ملك
بكرة هتكبر ويومك يتزحم
وتبدأ من بعض الحاجات تنسحب
هتبدأ تبقى مادي ، وفجأة تتسحل
وتفشل تهدي ؛ تعوز تنتحر
وكله إلا اللف من نص الطريق
كل اللي شك كان موته بطيئ
ننجح نسدد ضريبة توفيق
نجوم وبنشيل غلطات الفريق
كله إلا اللف من نص الطريق
كل اللي شك كان موته بطيئ
ننجح نسدد ضريبة توفيق
نجوم وبنشيل غلطات الفريق
هتكبر ويومك يتزحم
وتبدأ من بعض الحاجات تنسحب
هتصبح مادي وتتسحل
وبالتدريج هتعوز تنتحر
خايف يطلع اللي شيلته مش أتقلك
حتى لو هتقولي لأ مش هسألك
تلات تربع حروفنا مش في مستقبلك
محدش مـ العساكر دي بيترقى ملك
Random Lyrics
- h4kase - recuerdos perdidos lyrics
- wine pong - misses lyrics
- jeune loup - 10k lyrics
- palo g - fms lyrics
- iron maiden - the number of the beast [rock in rio] lyrics
- eldoubleuu - so hot lyrics
- poorgrrrl - the bluèzzz... rn lyrics
- cripple bastards - nervi in guerra lyrics
- wesley willis - bombs away lyrics
- el joker الجوكر - qasida l قصيدة lyrics