el joker الجوكر - el waqe3 | الواقع lyrics
[“كلمات الجوكر “الواقع]
[المقطع الأول]
سبت حروف الماضي تترتب جمل مستقبل
بعد أول لأ بدأت استوعب اني هقبل
ابقي واحد منهم، مش هعرف ابقي غيرهم
اذا كان رسلونا نفسه ماتفقش عليه تفكيرهم
يا اما انعزل، فارجع انسان ملتزم
مستني ملك الموت عشان اقابله وانا مبتسم
لكن لأ، هعيش الدنيا علي حساباتها
احرم نفسي ليه، من حياة ربنا خلقها؟
شوف ازاي الحسبة رجحت قانون النسبة
لازم شخص يرجع لما شخص تاني يسبق
لازم كل جوكر يدبح كل احمد موجود
دا نهج لأي حد ع الكوكب عايز يكون
مش ببيع كلمات، دي قوانين حياة
انهش عشان ماتبقاش عضمة فكرة في بق كلاب
اوعاك تفكر اني حابب وضع بشرحهولك
لكن دا امر واقع انا يادوب بوصلهولك
كاره كوكبي، ماعرفتش انشر فيه مذهبي
فبقيت فحل في مذهبه احسن ما اتوصف بالغبي
عيش قوي ومكروه، مش ضعيف محبوب
كدة كدة هيكرهوك لما خيط المصلحة يدوب
وساعتها لو لقوك، ضعيف ضهرك مكسور
اكيد هينهشوك، وسط الناس في عز النور
من امتي عملوا حساب، وقفة يوم الحساب
دا اخوات يوسف في قتله خلقه لنفسهم اسباب
[المقطع الثاني]
ارضي بقانون الغاب واختار لك وش تعيش بيه
وابعد عن اللي حابك لو مش حابب يوم تئذيه
اما اللي بينافسوك، فتنسي يحترموك
هيفضلوا يحاربوك، لحد يوم ما تموت
وساعتها مش هيقولوا الله يرحمه بذل مجهوده
في سبيل توصيل مفهومه، يمكن يفيد جمهوره
ابعدهم عن طريقك، وكمل المسيرة
دا الابن البكر الآدم قتل اخوه بدافع الغيرة
دي حقيقة لو بتدور، كلام ابوك مزور
انسي انك تمشي جنب الحيط عشان ماتجيش متعور
شوف الحياة بلونين، لون الشارع لون البيت
فعرفت ان الحقيقة مش شبه ما انا اتربيت
شاء القدر بعد ما يعمي البصر مطرة تنحت حجر
فدابت القشرة ودا يكشف لك لب نفوس البشر
مافيش بدون مقابل دا عبادة ربنا بمقابل
لولا الطمع في الجنة كانت الدنيا اصلاً باظت
ولولا جوانا الفطرة كانت الدنيا تخرب
دا اتزان بين نفسخة روحه وبين رغبات نفسونا الوسخة
دا يوم ما مات الفار، مشيت في عزاه القطط
مع دم الفار علي مخالبهم منه نقط
ويوم ما مات الأسد، ماجاش حيوان العزا
عشان وقفتهم جنبه كانت مجرد خوف م الأذي
او طمعا في المصلحة، او لأياً كان
مستني ايه ما تقفل، مافيش كلام يتقال
[الخاتمة]
شطاني لا تخلو من اطلال مراكبكم
ديوانى لا يدنو لأفكار كواكبكم
اذهبوا ان استطعتم لجحيم منه جئتم
واتركوني لن اداري سوئي منكم
Random Lyrics
- b-critt aka crittical - been running the game lyrics
- soom t - roll it lyrics
- sanfizzy/snapgod - hundred dollar bitches lyrics
- mendez - madre mia lyrics
- chali 2na - international lyrics
- kj4l - on my own lyrics
- kontra - jerry cotton lyrics
- thermostatic - game lyrics
- george jones & gene pitney - as long as i live lyrics
- andrés calamaro - revolucion turra - version inedita lyrics