el joker - سلمى الجزء الثانى lyrics
يا ورد ماليك الشوك يا بحر كلك موج
يا عين غمت ف أتسمت من إللي شافتني ليها زوج
سته وستين يوم صبروني سنين
شوفت فيهم ضحكه صبرتي في رحله ألف ميل
يخرج أحمد من إللي فيه
يوم عن يوم بتملكيه
يبعد ميل بتقربيه
يتقل حمله فتشليه
علمتيه إنك تكوني طريقه وبدونك هيتوه فيه
كنتي ليه طعم أول نبض قلبو مستنيه
نسمه بيتنفسها ريح وبينافسها ف حضن بيداريه
كنتي دي ولا دا وش بيه بتخدعيه
كنتي حضن بيدفيه ولا برد بينهش فيه
حد هرب من الماضي ليه ايام والحد دا بقى ماضيه دا
ف كنتي حبل نجاه وبنفس الحبل بتشنقيه
شاف أيام كنتي بتحيه قدامها سنين بتقتلِه
٣ سنين لو سألتي مين يحكي بالتفصيل
شيل بشيل
بهرب ليه
حمل تقيل
برضى بالقليل
بوهم نفسي أشوف سعادتي فيه
ببتسم وأداري دمعي منك كل مره يسيل
تلت سنين بموت تلت سنين مش حاسه
تلت سنين الكاس مفرقش إيدي بحاول أنسى
تلت سنين اللحم يبكي فابكي ف ظهره
تلت سنين بتمنى الموت عايش بجمع ف مهره
تلت سنين بتذل والجرح زاد ما قل
تلت سنين مش شايف غير الموت قدامي حل
تلت سنين يقلولك ع إللي ف قلبي شايلهولك
تلت سنين من قلبي كل الخير بتمنهولك
غلطتي مره شلت ف قلبي منك وإستحملت
أدوس ع نفسي مره غصب عني التانيه قبلت
اه زهقت غلطه فغلطه مبتحسش ماهما اتكلمت
بعدت عشان تعبت
تعبت أكتر بعدك لما سبت
يوم ورجعت لما سمعت منك كلمه بعدك ضعت
قولت لنفسي ليه البعد اديها بتقرب لما بعت
قربتلك قربلها
بلاش انت تصدها
مش يمكن حست بعدك قدا ايه انت صونتها
جمله الواقع بحرقها
وحروف الزيفه بلزقها كون ليها عذر ليها بكدب كدبه وبصدقها
بنام على السراب وأصحى سامع صوت غراب
ببني لوحدي ف القصور وابكي لوحدي على الانقاض
يومين وايه إللي فاض رجعتي زي المره الاولى
يومين وايه إللي فاض مهي لو شوفتها مدوله
يومين رجوع وراحو زي اول ايام مراحو
ترجع سلمى لحياتها و أحمد يرجع وسط جراحه
يومين فرحنا واحنا مش احنا دانا
سنه ف وش الريح كافحنا هي وانا
لسه بتساليني مين
هي اللي شالت واللي قالت طول مفيا نفس
هبقى ف ظهرك عوضك ع المره ال شوفتو دوقته سنين
ودا مقللش منها مافتكرش غيرها كانت ممكن تقبل بواحد ميت وبردوه بيقتلها
شوف السنين دا من سنين كان مستحيل اسمع صوتك ومبكيش تيجي سرتك ومحكيش
جايه النهارده فجاه بتقولي تعبت وراجعه
جايه النهارده يا واحده عرفتني معنى الدمعه
بتقولي ارجعلك
بتقولي اسمعلك
وبتساليني مين من بعدي شوفت انها ممكن تنفعلك
هي اكيد مش انتي
هي مسكت فيا لما سبتي
هي القمر في سمايا لما كنتي الشمس وغبتي
هي ظهري بعد مانتي قطمتي ف بعدك ظهري
انتي يا سلمى عطشي هي كل نقطه مايه ف نهري
Random Lyrics
- muskrat - mustrat lyrics
- tulip (wearetulip) - clone lyrics
- jabo - love story lyrics
- fellmeth - when all the lights go out lyrics
- violent chapter - selfmonument lyrics
- anderson .paak - fire in the sky lyrics
- herakaxo - between us lyrics
- cici - ngyafisa lyrics
- young xav - tv screens lyrics
- bellhead - frankenstein lyrics