a b c d e f g h i j k l m n o p q r s t u v w x y z 0 1 2 3 4 5 6 7 8 9 #

el joker - abyad w eswed | أبيض وأسود lyrics

[المقطع الأول]
من حضن البيت لـ كف الدنيا … نقله كبيره
قالوا صعبه ، بس لقيتها مستحيله
آخرك تغير فكره ، مش هتغير التصرُف
دى ناس بتحارب التطرُف بالتطرُف
قولت موجه .. نطيت .. محدش نط
أتارى ده إرتفاع المياه على الشط
والعادى إن انت تغرق شخص ، تنجى شخص جديد
قادر ياخد خطوه تانيه لمركز المُحيط
الواحد ليه من فتره محسش إنه تِعِب
خدى اللى نحّس ، ولا كفك اللى نِعِم ؟
أومال إيه بقينا تُقال أوى ، إنتى مش واخده بالك ؟
مرضاش تتاخدى منى وآخد أيا كان بدالك
بدون شك إختياري ، أنا اللى عارف ناري
إرتفاعي حقي ، وإنت هبوطك إضطراري
دول مش فاهمينى ، ومفيش أمل يفهموا
مفيش شخص عاش قمة إنتصار مذهبه

[اللازمة]
إنت اللى بتخسّرنى ، أنا اللى بكسب ليك وليا
إنت خطوة الجنون ، أنا الثبات عـ العبقريه
صح ـك بيبقى مُضر ساعات ، والغلط مُفيد
لوم عليا مع إن التناقض فيك

[المقطع الثاني]
أيامى بينوكيو كانت مناخيره بتطول لو يكدب
أنا مُجرد إنت عاش وضوح أيام الأبيض وإسود
مُذنب ، وميشفعلكش إنك فى الأول كنت بريئ
عمرك ما هتغلب شخص بتبقى هو بالتدريج
مش مهم رأى الأحدث ، المهم رأى الأفضل
فكرك إنت إمبارح رأيه إيه فى إنت النهارده ؟
وهل إنت اللى عايش كل دول إرتحت كده ؟
ولا يادوب أنقذت منك اللى توصل بيه مركبه
خليك مسئول ، مش مُتماشى مع الموجود
إضرب السايب ، وإدى الفرصه للمربوط
ومتقولش مذهب بس .. إحنا مذهبين من مذهب
سيب اللى عاشنا يدى كل حاجه مقاسها
مفيش نظره تكشف دايرة المعارف
مفيش حد سعيد وأنا سعيد لإنى عارف
هو اللى يقول النار فى الآخر طلعت إيه
التواضع ضافلى نُقطه .. درس لينا إحنا الأتنين
[اللازمة]
إنت اللى بتخسّرنى ، أنا اللى بكسب ليك وليا
إنت خطوة الجنون ، أنا الثبات عـ العبقريه
صح ـك بيبقى مُضر ساعات ، والغلط مُفيد
لوم عليا مع إن التناقض فيك

- el joker lyrics

Random Lyrics

HOT LYRICS