el joker - ebn soo2 | إبن سوق lyrics
[المقطع]
ما تعيش حياتك بتكبت حيواناتك
ماسكك مسيرة يدوب قصاد جهنم إحتياجاتك
مكسوف من إيه ده آدم نفسه كل من الشجرة
إدي الغلابة فرصة هتلاقيهم فجرة
الرضا عدوك، سيب الرضا لبتوع الدين
إحنا ناس عايزين الدنيا فلازم نبقى مش راضين
لازم متقفش مكانك مش بس مترجعش
ضمان إن إحنا نفضل نجري هو إن إحنا مبنشبعش
وأنسى السعادة، مفيش جشع شم السعادة
إنت إخترت حاجة، محدش ينفع ياخد كل حاجة
إنت طبيعي، محدش مش أناني
محدش نام جعان عشان يعشي التاني
أول بأول أقطع الطريق على اللي بعدك
يا يعيش يا يموت، يا يموت بيطلب المساعدة
وإياك تحب، الحب أكتر شيء مش صحي
أما الجواز مشروع وفاشل لو مكانش ربحي
لما تبدأ تظهر إبدأ أشتري الألقاب
ومتكتبش سطر شعر قبل ما تشتري النقاد
إدعم فساد الدولة، الدولة الحرة مش مطرحك
لو التور إتفك من ساقيته، مسير التور ينطحك
أفتح قناة وجريدة، إنتج أفلام ومسلسلات
نادرا لما الرأي العام بيبص ورا الشاشات
في الواقع عمر جوازة مال وسلطة ما تفضل سر
المهم متسيبش شبهه توصل للمدى المضر
إلعب على أمل الناس المرضي وخوفهم الهستيري
عمري ما هخنق حد فاكره هيحسن مصيري
إختصارا شوف حبايبك وإعمل اللي بيعملوه
أحسن ناس يخلقوا طوفان ويبانلك إن هما نوح
ولسه بنسأل ليه البلد دي حيطه مالت
مبقاش في أمل؛ لما قولنا أمل ماتت
دفننا طموحنا لما قدمولنا نعشه
كنا معكم من أعماق اللي إنت هارشه
Random Lyrics
- zight - daisy lyrics
- abel chungu musuka - chalo lyrics
- riko rose - whistle lyrics
- ryan mohr - beautiful lights lyrics
- puska - so high lyrics
- jahkoy - arch yo back lyrics
- rodney p, dj die - holes in the building lyrics
- videocassettes - indie rock lyrics
- rudeboyray - adikaram sithivili lyrics
- joeiaco - bettadaze lyrics