a b c d e f g h i j k l m n o p q r s t u v w x y z 0 1 2 3 4 5 6 7 8 9 #

el rass - hyena season | موسم الضباع lyrics

[“كلمات الراس “موسم الضباع]

[المقطع الأول]
هلق كله بده يقول انا بعرف كنت
لهيك الامور رح توصل شفت
دم وخراب وحروب ولهط
ابطال الما بعد جراد وفلت
تيبرر سكوته والمخ منغلق
ععتمة بلاده مدمن بلادة ما شاف القطار لما حده مرق
منخاره افق حده لزج
لما اشتعلت سكت لما انقصفت سكت لما انحبست سكت لما انقتلت سكت
لما انهزمت خرج: شفته التآمر شفته مصير المغامر!
فخرك وقح لا شعير لا قمح لا نجح ولا بيستاهل شرف فشل
الموت جسر بحمي جثة حلم
فيه ضباع عالطريق سنوا القلم
وتطاول تطاول يسلملي هالطول
اعناقهم بتعاني من قصر المنظور
دابت بلورة عاش المحلول شبعان قهوة امي ليلي صبور

[اللازمة]
نحرس الجثمان يا صديقي لأن هذا موسم الضباع
تشرق الأحداق يا صديقي لأن هذا موسم الضياع

[المقطع الثاني]
حار التصفيق هلابينو
لوب دوبامين هلا بيكو
ببحور التعبير نفخ ايغو
عالمدى الطويل بس وين تكتيكه
غلف المر بصياغة وحطه فيكو
تحميلة كوبيكو
ما ليش في السياسة يا باشا انا شب استقرار الشاب تروبيكي
كوكونت كوكونت اكزوتيكي
البلد عم يجوع يا رفيكي
و الجدل عم يدور بعصر الانتصار
بين الكشك والفريكة
فخرك وقح نصرك هش هز الدني ولما الهز ارتجع نصرك وقع
مصاري وصرامي مصاري وصرامي اغراء وجلد
جهز شهيد ولا بيعنا ولد
حليف التطبيع ولا فاتح قدس
لو الاعرج لبناني وين كان وقف؟
شتان بين رضوان ورعد
وسلمان اذا بتسبه سجن
بس هب الشعب لما هانوا لسعد
طب اوعى تفقع صرنا دولة نفط
ولك حاجة كذب آخرته زفت قبل التصويت وبعده نهب
صح النيوم اشتريلك سهم
قال مش دعاة زوال والبحر اللي منه انقصفت بيفيد بغسيل اموال
سبحان اللي غير احوال وما بيتغير وماله حزب
طب وين عقاب طير تجار اصطاده رصاص بهجة أنصار
لهيدا الحزب او لهيدا الحزب او لهيدا التيار
كل هول اباءنا تبا يا للعار
بايعكم كلكن شاري قشرة بصلة
انتوا حكوا بمصالح انا بحكي باصلي
بلادي الشآم بس بقلب مصري اذا ضباع الفلول بدها تجرب نصلي
وحياتك متعة باخدها خصلة
واكاندا يافندم رح جمع نياب ولفهم عصدري
موسم ضباع انا جرجس وحياة العدرا

- el rass lyrics

Random Lyrics

HOT LYRICS