a b c d e f g h i j k l m n o p q r s t u v w x y z 0 1 2 3 4 5 6 7 8 9 #

eldab3 - الضبع - leila w hat3dy - ليلة وهتعدي lyrics

[المقطع الأول]
غيرك مش لاقي
حضنك مكاني
و كل لما ببعد، بتشدني تاني
في الضلمة بفكر، لو هي مستاهلة
هي مش سهلة
و أنا بستغبي
بصيت في المرايا، أنت كده ليه؟
ياريت أبقى احسن السنة دي
محتاج أبطل أبقى همجي
همسك نيتي وهصفي
واقعتنا ماكنتش ذنبك
اضطريت انزل تحت و أسلك
مش عارف أحدد إيه اللى أحسنلك
واقف قصادك في الطُرقة بهاجمك
الوقت أكيد هيساعد
الساعة بتدق، أنا لسة في الشغل
ع الأقل هتكون هي أرتاحت
وقعت في الحُق سامحيني على العُطل
طلعت أعمى مش شايف
مش لاقيك حسيت إني خايف

[المقطع الثاني]
في تصرفاتي هايف
فـ بحاول أعمل فن هادف
الموضوع بالنسبالي يحير
يمكن أنا لسه صغير
لاحظت متأخر، مكنتش مقدر
مش حاطط مجهود انا كنت مستخسر
غيرك مش لاقي
حضنك مكاني
و كل اما ببعد، بتشدني تاني
غيرك مش لاقي، حضنك مكاني
و كل اما ببعد، بتشدني تاني
فكرت أبعتلك تاني
من ساعتها و إنتِ على بالي
أنهرت هو إنتِ ناسياني؟
الظاهر لك إني لا أبالي
لساني بيهنج كل لما بنتكلم
أصبري عليا أنا لسة بتعلم
[المقطع الثالث]
باصص علي البحر من اليخت
ولقيت إن فجأة أنا فيكي سرحت
نطيت في المايّة و وقعت في الخ
ببص مالقيتش أي حاجه تحتي
في الأول كان نفسي في مساحتي
قُولت على الأقل الايام دى بتعدي
مش فارق معايا سعادتي
و أخدك معايا مكان مابروح
باينة في عقلي شايفك بوضوح
من كتر التفكير فيكي أنا بدوخ
من بعد ما مشيتي مابقاش عندي طموح
مستني ييجى اليوم إللى هنسى فيه
يمكن هو ده نصيبي
عيشتني حياتي في ترفية
كان معايا كل حاجه في إيدي

[اللازمة]
غيرك مش لاقي
حضنك مكاني
و كل اما ببعد
بتشديني تاني
غيرك مش لاقي، حضنك مكاني
وكل اما ببعد
بتشديني تاني
[الخاتمة]
قلبي مليان خوف
والرعب واكل دماغي
حاسس إني لسة بادئ
قاعد بفكر في الماضي
ظهرالي حتى في منامى
طلعالي في كل أحلامي
إنتِ الوحيدة اللي فهمانى
كُنتي بعداني عن أحزاني
سايبالي فجوة، مابتعلمش ببلاش
قرصة في الودن قبل ما أنام
كُنتي كُلَّك حنان خليتيني إنسان
محدش غيري هَيُدان
مرضيتش أسمع الكلام
كان زماني مرتاح

- eldab3 الضبع lyrics

Random Lyrics

HOT LYRICS