essam sasa - 5 esterliny | ٥ استرليني lyrics
[المقدمة]
الفلوس رقاصة سحرت كله
والخلق علينا مش بيحلوا
على الشر بقينا بنضلوا
والصح بقى الممنوع
(دي چي خالد لولو ريمكس)
[المقطع]
الدنيا مش بالفتونة ولا بالدراع
ياما كانوا ناس ياما قبلنا دلوقتي وداع
نفض لأي جرح قديم وإرمي اللي باع
خلي قلبك صافي سليم وإنسى اللي ضاع
طب خمسة علينا ربنا يحمينا
من عين بصاصة بتحسد فينا
أصل أنا وإخواتي مع بعضينا
ومحدش يوم هيفرقنا
على طول بنصون ولا يوم بنخون
والعشرة علينا عمرها ما تهون
وبنبعد عن الصاحب الملعون
أبطال ومحدش يكسرنا
تتحطوا معايا أنا هرنكوا
طول عمركوا ياض هفضل عمكوا
ده لو سالكين كنت أسلكلكوا
ما أصحبش أصحاب مؤذية
عمري ما كرهت لحد الخير
ضيعت كتير وصرفت كتير
كله بيكرم لأجل التقدير
واللي في جيبي أنا مش ليا
أعمل إيه وأسوي إيه في الدنيا دية
الجدع متحط عليه نسي الحنية
شغل الخيانة بيعمل بيه ويميني مش ماشية
واللي خني أنا لازم أأذيه
ده أنا جتلي الكافية
طب أسد الدايرة صاحب صاحبه
في الجيهة كل الناس بتحبه
برجولة يابا طيب قلبه
حاتم أبو أسد الرياسة
الصفا والمروة دول وحوش
رجالة على الأصل ما يهبوش
من عين الناس يا رب حوش
تعادينا هنضربك رصاصة
ما بحبش أنا شغل المنظرة
ولا كتر الحك ولا الأڤورة
منظرتك يلا هتجيبك ورة
خليك نزاهة وتوب
ضرب الخيانة ٢٠٠٠ مطرقة
فارس على أرضي واخد على الشقى
والعين قناصة يا أسطى مرشقة
في كل متر مطب
لو الغراب كان سابق الصقر
عمر الحقود ما يبطل قر
ما يكتفيش لو يشرب بحر
هيعيش ويموت نمرود
ما تعيشها وسيبها على اللي خلقك
متفرطش في مرة في حقك
الحرامي لو مد إيده سرقك
تلاقيه من الجوع معضوض
مليون سلامة لكل صاحب مش جدع
باعني وسابني محبنيش راح وخلع
وجوة قلبي اللي شالني في الوجع
لو هيزعل مرة مني أنا هتوجع
الفلوس رقاصة سحرت كله
والخلق علينا مش بيحلوا
على الشر بقينا بنضلوا
والصح بقى الممنوع
الحب غرامة منه هتدين
تطلع خاين مع إنك صاين
كل اللي فات قدره مش باين
وخلاص مفيش رجوع
إبن الناس بقى ليه مدمن
حتة الأبطال صبحت تركن
مش لاقي لقلبي يابا مسكن
ومجرح لكن أسد
خمسة إسترليني على اللي راح نسيني
بعدك يا خسيسة مش هيبكيني
ده أنا ألف واحدة بتتمناني
ورسايل ملهاش عدد
إمشي وروحي مش بريدك مش بحبك
كرهتني في كلمة حب بسببك
مجنونة هبلة لسانها مدب ما بترعيش
أنا ما زعلتش لما سبتك ده أنا لازم أعيش
بدماغي بحل أي عقدة
حكاويكوا بخصلها في قاعدة
ما تكترش وتعمل فردة
أنا عقلي أكبر منك
الراجل كده مش بلسانه
أفعاله هتعليله كيانه
ومعديت الغبي نسيانه
وده لو فهمته يجينك
الحل دوار وما بيدومشي
ومافيش مرضية ومعلشي
على الدنيا ضيوف وراح نمشي
على إيه هنجرح بعضينا
لازم نخاف على بعض شوية
نعمل ما بينا قانون صحوبية
خلي العلاقة تكون ودية
ونفوق شوية لنفسينا
عصام صاصا يعني الكروان
هو التوب وهو الفنان
القلم الجارح قلمه جنان
عبده روقة كتب الكلام
وخالد لولو توزيعه خيال
ثابت إسمه في المجال
Random Lyrics
- austin ludwig - consider the ravens lyrics
- jeongyeon - fire lyrics
- edgar avery - nameless lyrics
- lil silva, sampha & ghetts - still lyrics
- spookstv - beef lyrics
- toronto is broken - underground lyrics
- jess kemp - (no more) feeling blue lyrics
- terror reid - actin out lyrics
- ambrose del sol - white flag lyrics
- gochib - learjet lyrics