essam sasa - a3daa kteer | أعداء كتير lyrics
[المقدمة]
تطلع مين يا اللي بتغلي مني
رايح لفين؟ صعب إن تسابقني
حرب ملاعين، كلاب نفسها تاكلني
ربك معين وبتعبي بيكرمني
(كيمو الديب)
[المقطع]
أعداء كتير، كله بينتدبني
عالم شرير والخلق بتحسدني
قلوب بتغير عايزة في يوم تاكلني
بجد كتير صحابي عايزة تموتني
نفسي أموت وأخلص من صداعهم
مش مبسوط من اللي بيجرا منهم
كانوا حلوين لكن بان سوادهم
نكرو الجميل بعد ما خدت بإيدهم
رميت الحب وسط الورد باعني
حبيت بقلب بس الحب شتمني
خصمت كلب فجأة يروح لخصمي
أبو أم الصِيت، عايزين يمحوا إسمي
بيقولوا كلام بس بنفض ليهم
دول مش تمام، يعيبوا والعيب ماليهم
ماشين حرام وكل الكره فيهم
مليون سلام ليوم كنته وسطيهم
قالوا فلاتي وأنا مطحون في شغلي
وهما العادي حشيش وبنات تسلي
وأنا يوماتي شغل يهد ضهري
مش عايش حياتي، تملي لرزقي بجري
بلد الجدعان يعني إسكندرية
ياسر أبو شيكا معروف بالرجولية
عمرو المفتي جريء ما يخافش ثانية
ومؤمن النص راعب كل الأشقية
بعدنا عنكم لكن مش سايبنا
ولا نفتكركم غير في صدفة بيننا
وإنتوا لسانكم في الضهر بيقتلنا
خونتوه زمايلكم بس مش شاغلنا
بنات بكرفهم هما يدوبو فيهم
نص حريمكم يحلموا أرد عليهم
قال إيه بيقولوا إني بحن ليهم
وأنا مش فاضي وعندي أهل مراعيهم
مهما عليت صعب في يوم أتغير
عمري ما نسيت إن الحياة بتحير
ياما حبيت، صونت كبير وصغير
بس إتغابيت في ناس في سري تشير
تطلع مين يا اللي بتغلي مني
رايح لفين؟ صعب إن تسابقني
حرب ملاعين، كلاب نفسها تاكلني
ربك معين وبتعبي بيكرمني
طيبتي الزيادة كانت أكبر غلطة
إديت سعادة بس إتردت ورطة
طبعاً قيادة وفي المجال أنا سلطة
يكفي إني سامع صوتي في كل حتة
كبرنا ناس كانوا ملهمش لازمة
طلعم رخاص ولا إتشكرنا بكلمة
مفيش إخلاص، كله بيعمل أعمى
خلصت خلاص وإتفركشت اللمة
فوت ليكم بدل المرة مية
عارف ماضيكوا وفاهم التمثيلية
لازم أوريكوا عيوني الشرانية
هونت عليكوا، أكيد هتهونوا عليا
كيف تصير روحك بعد مني
قلبك الحرير غاب عني وفارقني
كنتي في يوم تكوني بفستان جنبي
بس على العموم صورتك جوة قلبي
بيتهم إزاز وبيحدفوا بالطوب
دول أزبل ناس وعيشيتهم ذنوب
مش شاغل الراس وماسح اليوتيوب
مهتم بنفسي وأيها ماضي مشطوب
قريب وغريب كل صاحب يبعني
إنسان كئيب لكن بضحك وأغني
قدر ونصيب ما ألاقيش حد يصوني
كلها بتخيب، دول خيبوا ظني
ليل أو صبح كنت بكون ما بينهم
وضميرهم بح، إزاي كنت منهم
أخصامي دول صحبة شمال كارفهم
تقيل عليهم، لموا كلاب تخدمهم
ليش تخون وتقسي في قلبك
لو بتصون تلقى الناس تحبك
أكيد مجنون يا اللي فقدت أدبك
إحذر تكون شخص كاذب في حبك
إسكندرية ضربتها مميتة
الأبطال أرض المفتي الجديدة
ياسر أبو شيكا معانا لو على الحديدة
هو الأساس والباقي جنب الحيطة
عمرو المفتي إسمه سابق وجوده
لو خصمته تتهان تحت إيده
مؤمن النص تقفوا قصاده تموتوا
معروف برجولته، بتخافوا من جبروته
لو قلبك مات لا ما تجيش علينا
تلات إخوات على الموت مع بعضينا
باشا البشوات قمر نور ليالينا
ده شيكا مصر، إحنا النزاهة يلا فينا
إتنين أبطال هزرو الدنيا دية
مبعوت ليكم المسا من أرض إسكندرية
عمرو أبو رجولة خصمته تروح في داهية
ومحمد دوكو أخويا ما تجيش معا في مرازية
عصام صاصا كروان كل جيل
القلم الجارح قلمه ملوش بديل
شبح المزيكا كيمو الديب أصيل
إحنا ثلاثي إنفجار ملوش مثيل
Random Lyrics
- ya levis - vala matondo lyrics
- doni & intellegent & zvika brand - банда (gang) lyrics
- sauceison - sauce and icy lyrics
- vix leivian - moneyman lyrics
- qantreez x челс - no sleep lyrics
- polo 3xo - чакки lyrics
- christxphvr - say i won't lyrics
- ziynet sali - yenilik var lyrics
- manolo garcía - un poco de amor lyrics
- yung speed - weather channel lyrics