a b c d e f g h i j k l m n o p q r s t u v w x y z 0 1 2 3 4 5 6 7 8 9 #

essam sasa - m3aya ana mtgesh | معايا انا متجيش lyrics

من طيبتي أنا مصدوم، في جسمي أنا هعور
أنا من الجراح مكتوم، مش قادر أتصور
في الدنيا على جدعان تايه بقيت أدور
مالقتش فيكي أصيل يا دنيا أنا أزامله
كل البشر خاينين والله مايتأمنوا
ده الجدع شاف الويل ولا حد شال حمله

يجري العمر ويفوت والمخ بقى قافل
قدامي وطي الصوت أحسن هتتاكل
عندنا هنا هتموت لو جاي في مشاكل
أنا جيهتي يا إبني أسود وإنتوا ما فيكوا راجل
خفاش في نص الليل وموج صوتي عالي
وإنتوا في نظري رخاص ما بتجوش في خيالي
آسف عشان خليت سعر الرخيص غالي
ليه في رزقي أنا بصيين وعيونكوا على مالي
إزاي عايزني أرجع أديكوا تاني أمان
وأنا قلبي منكوا إتوجع بعد أما كان فرحان
جرحكوا لسه مسمع، ليه مشيتوها عوجان
مش قادر إني أصفى للي آذاني في يوم
جوايا دمي إتصفى، مابقيتش قادر اقوم
ده أنا ضهري يابا محني من كتر الهموم
مربع الفهايمية رجالة ولا تتهز
بسم الجية الجبروت يعني الأربعة ونص
أحمد سعداوي سيطرة، ده الكينج واحد بس
محمود ماهر تقدير، على الأرض هو البوص
طب قوللي بس ليه بيا أنا غدرتوا
هو أنا عملت إيه، ولا مرة فكرتوا
أنا ياما كنت بشيل ولا مرة قدرتوا
حجمكوا كان صغير وأنا اللي كبرته
تعبان أوي يابا، أنا نفسي أجي عندك
زهقان من حياتي، قوللي مين واقف جنبك
والله أنا مش بخير، ده مافيش ضهر من بعدك
قاللي على الله إرميها، ده مافيش غيره هكون سندك
معايا أنا ما تجيش، خايف على منظرك
ده أنا صحبتي مطاريش، في العاركة هتجنزرك
يا إبني إنت على مافيش، من نظرة أنا بحذرك
ما تجيش علينا تعيش تعمل علينا بطل
ده أنا نبض قلبي خلاص باين عليه عطل
كل البشر أندال، ليه سايقين الهطل؟
مخنوق خالص وبموت، أنا قلبي بقى ميت
جوايا ألفين صوت وحسابتكوا بتتقيد
يجي يوم الحساب الكل هيسدد
أنا حقي وقتي بجيبه، عمره يابا مايبيت
وفي بحري بقيت غريق مالقيتش عوامة
أنا نفسي بقى بيضيق، موجوع وبغشامة
أنا ميت بالبطيء وإتخنت أنا ياما
من كتر زعلي يا ناس فارقتني الإبتسامة
روح قلبي نن العين هي اللي صايناني
يا خراشي ع الخدين، من الدنيا واخداني
بعديها أنا ماليش، بين إيديها حطاني
مالقيتش غير حضنك في البرد دفاني
أنا شفت ياما كتير، ولا واحدة عجباني
خلاص بيكي إكتفيت، مش عايز أنا تاني

- essam sasa lyrics

Random Lyrics

HOT LYRICS