fabrizio de andré - mègu megùn lyrics
[bridge]
e mi e mi e mi
e anâ anâ
e a l’aia sciurtî
e suâ suâ
e ou coêu ou coêu ou coêu
da rebellâ
fin a piggâ piggâ
ou trén ou trén
[verse 1]
e ’nta galleria
génte ’a l’íntra au scûu
sciórte amarutía
loêugu de ‘n spesiá
e ‘ntu stréitu t’aguéitan
te dumándan chi t’è
a sustánsa e ou mesté
che pe’ liatri ou viaggiá ou nu l’é
poi te túcca ‘n purté lepegúsu
e ‘na stánsia lûvega
e ‘nte l’âtra stánsia
ê bagásce a dâ ou menû
e ti cu ‘na quâe che nu ti voêu
a tiâ ‘a bibbia ‘nta miágia
serrâ a ciàve ánche ou barcún
e aresentíte súrvia ou coêu
[chorus]
uh mégu mégu mégu mè megún
uh chin-a chin-a zû da ou caragún
[verse 2]
‘na caréga dûa
nésciu de ‘n turtà
‘na fainà ch’a sûa
e a ghe manca‘a sâ
tûtti sûssa résca
da ou xattá in zû
se ti gíi ‘a tèsta
ti te véddi ou cû
e a stâ foêa gu’è ou repentin
ch’a te túcche ‘na pasciún
pe ‘na fàccia da madònna
ch’a a te spósta ou ghirindún
ûn amú mai in esclusiva
sémpre cun quarcósa da pagâ
na scignurín-a che súttu â cúa
a gh’a ou gárbu da scignúa
[chorus]
uh mégu mégu mégu mè megún
uh chin-a chin-a zû da ou caregún
[post-chorus]
uh!… che belin de ‘n nólu che ti me faiésci fâ
uh!… ch’a sún de piggiâ de l’aia se va a l’uspià
[bridge]
e mi e mi e mi
nu anâ nu anâ
stâ chi stâ chi stâ chi
durmî durmî
e mi e mi e mi
nu anâ nu anâ
stâ chi stâ chi stâ chi
asûnáme
[chorus]
uh mégu mégu mégu mè megún
uh chin-a chin-a zû da ou caregún
uh mégu mégu mégu mè megún
uh chin-a chin-a zû da ou caregún
Random Lyrics
- joan manuel serrat - de mica en mica lyrics
- jorge palma - olá, tenho que ir andando lyrics
- oxon, kojot, peerzet - zadanie lyrics
- brady yocre - ls lyrics
- massacre - plan b: anhelo de satisfacción lyrics
- klashnekoff - zero lyrics
- julien clerc - la fée qui rend les filles belles lyrics
- lifter puller - let's get incredible lyrics
- the music - take the long road and walk it lyrics
- bizzey, yung felix, josylvio & rockywhereyoubeen - coca lyrics